甘味讚岐手打烏冬 (Closed)

放工後到沙田第一城揾飯食，見好耐無口幫襯甘味，而且見唔使等位，所以就行咗入餐廳。可能係平日夜晚，客人唔多，可以自行揀位坐。我哋坐喺角落位，無咁嘈。叫咗一個墨魚餅三文魚籽沙律，好細份下。三文魚籽好味，卜卜脆；墨魚餅啱啱煎好出嚟，熱辣辣；但衰喺醬汁，個千島醬勁咸。叫主食可以優惠價加配指定小食，我哋就要咗兩份壽司(三文魚同蝦)，味道正常，不過wasabi就唔夠哽！第一份主食係燒汁牛仔骨烏冬。牛仔骨(3片)好夠味亦夠冧，醬汁都好味。反而烏冬嘅質地有啲冧，麵條外圍開始糊。第二份主食係骨蛋吉烈豬扒蓋飯，豬扒係切件上。滑蛋其實已經煮到熟晒，一啲都唔滑。吉烈豬扒炸得唔錯，外皮啲油係完全被迫晒出嚟，食幾件都唔覺膩；唯獨是豬扒本身太瘦，無咁好食。