張公子

Open Now

Now Closed

今日，官塘嘅辦公室嚟咗位重要嘅客人，作為地主，老闆叫我book枱食飯，最理想嘅選擇梗系電訊大廈嘅張公子。公子特色凍豆腐：呢個前菜可能系呢度首創，大家都話未試過，加入薑醋嘅元素做成一個醬，清爽可口，特製嘅調味成為了開胃嘅絕佳選擇。陳醋水晶肴肉：色澤誘人，酸香味濃，口感滑嫩，是一道極具層次感嘅前菜。秋霧鹵醉蝦 (八隻) ：上枱後，服務員利用乾冰，營造出秋霧嘅效果，蝦肉鮮甜爽口，酒香入味但不算好濃烈，就算不好杯中物嘅客人，都可以一口接一口，不會醉。張公子牛肋排：這道主菜絕對系今晚嘅亮點，牛肋排肉質鮮嫩多汁，口感鬆軟，牛味濃郁，份量巨大，無論是味道還是擺盤都咁吸引。秋葵芥末炒帶子：帶子嘅鮮味與秋葵嘅清脆搭配，微微嘅芥末味令人印象深刻，帶子好大粒，而且好多粒，鐘意食帶子嘅不要錯過。今晚張公子嘅用餐非常愉快，老闆同客人都非常滿意。菜餚嘅品質同服務嘅專業性都讓人感到賓至如歸，無論系招待客人還是與朋友聚餐，都是極佳嘅選擇。期待下次再來，繼續探索更多美味！