華嫂冰室 (Moved) New Location

雖然華嫂喺九龍同港島區都有分店，但第一次始終都想喺天水圍總店度食。店舖招牌夠哂大，一睇就見到，完全唔難揾。不過冇諗過平日下晝去都咁多人。喺三十幾度高溫下攞完籌等到落埋單，參觀埋隔離既鄧氏宗祠至有得入去。我地叫咗菠蘿油，蛋沙律多士同埋冰花奶茶。最快上既係冰花奶茶，佢香濃幼滑，最重要係夠哂冰凍，一飲就飲咗半杯。菠蘿油熱辣辣香噴噴，上面層酥皮香脆可口，而麵包軟熟，加埋冰凍既牛油，真係會令人食上癮！難怪即使係平日都四點就賣哂，鍾意食既一定要早少少去。最後係蛋沙律多士，碎蛋同番茄既份量都唔少，而麵包加熱之後好鬆脆，難怪係招牌食物。