NOBU InterContinental Hong Kong (Closed)

本來坐唔到窗邊有些唔開心，但後來發現窗口位太曬，個個調位坐後面，又覺得自己好好彩，坐第二行唔曬又有美景揀左一個期間限定嘅青森特選套餐，同久松信幸特色套餐，再加海膽一份。每樣食物都好精美，好靚，三文魚刺身韃靼伴魚子醬，好滑，三文魚蓉好鮮，冰鎮住夠冰涼。油甘魚刺身配南美辣椒，辣辣地但又唔會搶左魚味。降霜金槍魚包住青森蘋果好清新，鮟康魚肝烏賊刺味道好夾。壽司反而有些失色。火灸帆立貝配鴨肝味噌，加埋豆腐同菇，帆立貝甜，火灸後都唔乾。蝦天婦羅好脆，唔油，小小辣，食到停唔到口。銀雪魚，肉身厚，煎得好滑嫩又夠香爐魚都超滑頂級美國牛，我唔食唔知咩味，但朋友話唔錯。唔食牛關係，餐廳話可以幫我改雞/豬，我揀左豚肉，肉似五花腩，煎到香脆唔覺油膩，平時我唔食粟米仔，但呢間真係煮得超正，我食哂海膽夠鮮，但味道就有少許苦，唔推介。特色手作甜品，一款清新，一款甜，各有不同。總括全餐都超美又好食。