大蔵季節料理 (Closed)

午餐時間同朋友一齊出去食，大家都想食日本料理，知道澳門逸園中心嗰邊好多日本餐廳，揀咗7/F嘅大蔵季節料理。朋友要左個大蔵壽司便當 $348一個三層便當入面有齊刺身、壽司、丼飯，仲配一份天婦羅。由於朋友呢份黎先，我地就一齊share食住先。第一層刺身有赤貝、油甘魚、喜知次，每款有兩片真心好高質，油甘魚原來咁好食！之前喺其他日本餐廳食過嘅油甘魚覺得唔好食，原來係因為唔夠新鮮!!新鮮嘅油甘魚真係好好食，我都好唔好意思咁食晒兩塊😭❤️肉質彈牙而且油脂豐富，係口入面回味左勁耐！另外果兩款友人都覺得好高質👍🏻壽司又係好出色，拖羅壽司同油甘魚腩壽司完全係超晒班!!拖羅同喺日本黑門三平食到嘅有得揮，中拖羅接近大拖羅嘅感覺omg油甘魚腩係形容唔到嘅美味😭💗同友人一人一半，好食到係咁點頭，都唔想講嘢🤣第三層嘅丼飯有拖羅蓉、北海道海膽、三文魚籽海膽色澤好、新鮮、鮮甜，完勝！銀雪魚西京燒定食 $228相比之下我呢個就比較普通，銀雪魚嘅部位唔夠肥美，無好嫩滑嘅口感，但西京燒嘅做法將魚肉燒得甜甜地，的確好下飯🥰同埋魚肉食得出鮮甜味，魚皮唔係脆嘅口感，反而係煙韌充滿膠質嘅感覺👍🏻價錢唔平，但個壽司便當物有所值，全部都