Video
Read full review
2022-08-27
112 views
.一直都幾鍾意 Pirata 旗下嘅餐廳，覺得環境同食物都不錯，今次就試試呢間主打正宗意大利菜嘅餐廳。店內復古華麗嘅裝潢，令人仿似置身意大利歌劇院(´ ᵕ｀*) .👨🏻🍳 Conviviale Menu $580/位.🥖 Sourdough Bread餐前先送上酸種麵包，配黑醋同橄欖油。.🦐 Mediterranean Seafood Stew 海鮮豐富有大蝦、青口、蜆、魷魚等，肉質新鮮飽滿，搭配濃郁嘅蕃茄醬汁，配埋麵包食，吸收晒醬汁嘅海鮮精華。.🐮 Fancy Beef Tartare 牛肉他他配上由芝士同黑松露煮成嘅醬汁，面加上生蛋黃，再舖滿一片片黑松露，賣相吸引。牛肉鮮嫩有彈性，充滿黑松露香氣，再拌入蛋黃，成個醬會更balance，味道濃郁但又唔會蓋過牛肉本身嘅鮮味，食落層次豐富，啱晒鍾意黑松露嘅朋友。.🧀 Cheese Wheel al Tartuto 侍應會喺你面前將Tubetti Pasta放喺Cheese Wheel入面mix，令到每一粒Pasta都包住滿滿嘅芝士，再撒上芝士碎同黑松露。Pasta煙韌有嚼勁，好香黑松露味，芝士味唔會太重太膩，兩種味道balance得唔錯
一直都幾鍾意 Pirata 旗下嘅餐廳，覺得環境同食物都不錯，今次就試試呢間主打正宗意大利菜嘅餐廳。店內復古華麗嘅裝潢，令人仿似置身意大利歌劇院(´ ᵕ｀*)
.
👨🏻🍳 Conviviale Menu $580/位
.
🥖 Sourdough Bread
餐前先送上酸種麵包，配黑醋同橄欖油。
.
🦐 Mediterranean Seafood Stew
海鮮豐富有大蝦、青口、蜆、魷魚等，肉質新鮮飽滿，搭配濃郁嘅蕃茄醬汁，配埋麵包食，吸收晒醬汁嘅海鮮精華。
.
🐮 Fancy Beef Tartare
牛肉他他配上由芝士同黑松露煮成嘅醬汁，面加上生蛋黃，再舖滿一片片黑松露，賣相吸引。牛肉鮮嫩有彈性，充滿黑松露香氣，再拌入蛋黃，成個醬會更balance，味道濃郁但又唔會蓋過牛肉本身嘅鮮味，食落層次豐富，啱晒鍾意黑松露嘅朋友。
.
🧀 Cheese Wheel al Tartuto
侍應會喺你面前將Tubetti Pasta放喺Cheese Wheel入面mix，令到每一粒Pasta都包住滿滿嘅芝士，再撒上芝士碎同黑松露。Pasta煙韌有嚼勁，好香黑松露味，芝士味唔會太重太膩，兩種味道balance得唔錯，香濃creamy！
.
🐟 Turbot al Cartoccio
比目魚配上香料、橄欖、車厘茄等用紙包住烤，一上枱聞到陣陣香氣，魚肉嫩滑juicy，非常鮮味。
.
🍫 Tiramisu
表面鋪滿一層濃厚嘅可可粉，面層Mascarpone芝士口感creamy 軟滑，以咖啡酒泡浸過嘅蛋糕濕潤鬆軟，咖啡味香濃但唔會過重，食完好滿足。
.
總括而言：餐廳充滿意大利風情，氣氛情調好好！侍應基本上都係外籍人士，有禮貌又熱情，環境同服務都非常好，加上食物質素相當不錯，好適合拍拖或慶祝(●'◡'●)
Post
