Video
8-min walk from Exit A, Quarry Bay MTR Station
continue reading
Telephone
27881993
Introduction
This restaurant is inspired by 80s' Sicilian style. In this gorgeous and vintage environment, you may enjoy Italian dishes which are served on handcrafted plates by Italian artisans.
continue reading
Additional Information
Dining duration:
MON - FRI
Lunch:2pax:75mins
3pax&above:90mins-Lunch Set Menu
Dinner:2pax:90mins 3pax-4pax:105mins
5pax&above:120mins-A La Carte Menu
SAT - SUN & PH
Brunch:120 mins-Brunch Set Menu
Lunch:120 mins-Lunch Set Menu
Dinner:120 mins-A La Carte Menu
Opening Hours
Today
11:30 - 15:30
17:30 - 21:30
Mon - Tue
11:30 - 14:45
17:30 - 21:30
Wed - Thu
11:30 - 14:45
17:00 - 21:30
Fri
11:30 - 14:45
17:00 - 22:00
Sat
11:30 - 15:30
17:30 - 22:00
Sun
11:30 - 15:30
17:30 - 21:30
Above information is for reference only. Please check details with the restaurant.
About Reward Scheme
呢間大概係我人生聽得最多生日歌的一間餐廳，全晚聽了8-9次。果然大家都係黎慶生。朋友生日，用openrice book了七點。聲明：全自費無廣。我之前完全未聽過此餐廳名號。餐廳位於太古坊Oxford House 2樓。屬於PIRATA集團，成立超過十年。同系仲有PICI, 同埋我最近食過的The Optimist。專注於意大利和西班牙美食。服務周到，侍應well trained有禮貌。到埗即受到熱情招待、引領至座位，問喝什麼水。賓至如歸。（提: sparking 收費$45/枝, 再加一)菜式順次序上，吃完前菜會細心詢問，然後收走用完的餐具。上甜品前抹枱，服務周到貼心。聽落好似好基本，但好多餐廳做不到。座位寬闊，高身的椅面積是我的2倍大，包裹感十足，坐得異常舒適。七點坐到十點幾，食完都唔捨得走。亦無人催趕。講返食物，是日是4個女生share食，份量不算細首先最滿意一定係Cheese Wheel Al Tartufo($338)Tubetti pasta起源於意大利，是南意大利，尤其是西西里島和坎帕尼亞地區的傳統麵食。Tubetti源自意大利文"tubetto"，意思是“小管子”。非常適合配搭濃稠的醬汁, 例如呢個芝士黑松露汁。侍應在一旁用芝士輪拌好之後，灑上芝士粉、再磨幾片黑松露，非常香。好想叫佢磨多幾片。意粉充分掛汁，仍保留彈牙口感，溫暖、細膩的奶油香氣緩緩進入口腔、慢慢地呼吸到黑露松的高貴氣息。回味時都不禁讚一句：Perfetto! (吮一下嘴)Traditional Octopus Salad($168)八爪魚切件，配上薯仔和橄欖油，配上芫茜和檸檬汁調味，感覺清新，八爪魚新鮮彈牙，極小的小酸味，作為頭盤好開胃。Beef Cheek Raviolo ($238)放低冇人知係咩菜式黎, Raviolo就是面頭嗰塊意粉, 中間夾咗好薄的牛肉末主力靠醬汁調味。遠沒有Cheese Wheel Al Tartufo好食。Yellow Chicken Arrosto($298)"Arrosto" 在意大利文只是烤肉的意思，即是烤雞，很香的奶油味，皮脆肉嫩，多汁可惜得半隻，不太夠食。想翻啅已經分完。La burrataburrata芝士由 mozzarella 外皮和 stracciatella 內餡組成。Burrata 的口感柔滑，奶香濃郁，帶有淡淡的鹹味。呢度的burrata是新鮮，簡單配以大細蕃茄，微酸襯返鹹奶味，富層次。甜品Tiramisu for sharing($128)非常流質，一刮出黎幾乎溶化，內裡加了朱古力praline脆粒是點精之筆。極軟配脆脆，口感特別，比外間多了一層特色。個人黎講係鍾意的。Pistachio baba($118)球狀的蛋糕配開心果醬，以及莓果，開心果唔係太出，但係不過不失。份量較小。總結好多食客不約而同選了呢間慶生，隔離、背後、正面、環迴都聽到店員反覆彈唱生日歌。如果我是店員，每日唱咁多次，該有多麼的煩。(汗)不過唱完還幫我地影了即影即有，壽星女表示開心，很好。整體黎講，環境、服務、食物都很優秀，價錢合理，份量同味道是對得住價錢的。值得推介！
continue reading
餐廳：La Favorita (鰂魚涌)地址：鰂魚涌英皇道979號太古坊濠豐大廈2樓The Sixteenth有去過意大利嘅人就會知道，喺當地食意粉真喺一試返唔到轉頭🇮🇹，好食得嚟仲要好平，依家諗返都真喺好想再去多次意大利旅行🛫今次去咗鰂魚涌呢間開咗接近3年嘅意大利餐廳——La Favorita，餐廳專登請咗意大利大廚同員工🧑🏽🍳，俾你仿似置身喺意大利咁享受意式風情，加上奢華復古嘅劇院佈置🎤，喺度食飯真喺別有一番風味😎Weekend同朋友過嚟品嘗佢哋嘅Bollito Brunch($498)，以肉食為主，份量幾驚人😂，有3款前菜、1款主菜、肉類拼盤、伴菜、3款芝士同甜品，由頭到尾食咗3個鐘，慢慢同朋友傾偈幾唔錯💬，食嘢之前我就飲咗杯Latte，而朋友就要咗杯Mocktail——No Gin Fizz($80)先上咗份配黑醋同橄欖油嘅意大利麵包🥖，之後有烤牛肉片配吞拿魚蛋黃醬(Vitello Tonnato)，上面有粒粒西西里酸豆；再嚟嘅喺義式醋漬蔬菜(Sweet and Sour Giardiniera)，有番茄🍅、紅蘿蔔🥕、西芹、洋蔥🧅、紅椒，酸酸甜甜幾開胃：另外仲有俄國沙律(Insalata Russa)，用咗蛋黃醬撈勻雞蛋、紅蘿蔔、薯仔、綠豆，簡單而滋味😌主菜可以揀Plin In Brodo或者Cheese Wheel Al Tartufo(+$68)，前者用牛肉慢火燉煮而成法式牛清湯，裡面放咗幾隻烤牛肉餃子🥟，爆汁之餘仲有鮮牛肉香🐂；後者由店員即場喺你面前，喺發酵咗6個月嘅巨型黑松露車輪芝士入面，加埋松露醬撈勻好似通心粉嘅Tubetti pasta，上碟後再加上巴馬臣芝士碎同新鮮即磨黑松露片，芝士同黑松露呢個組合真喺無懈可擊🤤食完已經有啲飽肚感，好在上菜速度唔會太快，因為接落嚟就到主角——牛肉拼盤(Bollito Platter)同伴菜，當中有6款肉類，包括牛前胸肉、前腰脊、牛舌、黃雞、煙燻豬肉腸同三角尖牛肉，最正嘅喺成隻牛得2%嘅Tri-tip，牛肉羶香突出仲好有咬口，每咬一啖肉汁就喺口腔裡面滲透出嚟，配埋6款homemade醬汁伴料，唔知你又鍾意邊一款呢？最後有芝士：Toma、Gorgonzola、Tre Latti，同3甜品：Bonnet、Creme Caramel、Peach crumble作結，估唔到芝士配埋蜜糖一齊食又幾夾，中和咗彼此濃烈嘅味道👅，而甜品我最鍾意焦糖布甸，充滿蛋香而唔會甜滯，值得一試
continue reading
🍸 BELLINI（$108）飲落口比較甜，帶有西柚同熱情果嘅味道，酒精味道唔重，好容易入口，啱晒唔鍾意酒味重嘅朋友🍹 GARIBALDI（$108）用左橙汁做底，加入Campari，入口會先飲到橙汁嘅酸甜，然後Campari嘅苦會慢慢滲出，係款經典嘅調酒而家只要系Happy Hour時段（17:00-20:00）內點Menu上嘅任何一杯野飲，就可以任意享用自助吧嘅小食點心；小食吧嘅食物種類都有成10幾款，有麵包，Ham，芝士，炸物，唔同類型嘅撻，三文魚小卷同吞拿魚小卷等等，咸點同熟食比較多，食物質素仲要無揸流攤，系太古坊咁高地段嚟講性價比非常高，以後放工想同朋友chill下飲杯野食下野又可以有多個選擇🏖️ 而家Pirata Group 做緊聖誕大抽獎，頭獎係雙人馬爾代夫5日4夜之旅連酒店機票食宿，真係好吸引🤩只要12月內系Pirata Group 旗下餐廳每消費一次可獲得1個印花，儲滿10個印花即可參與「Seas The Season」聖誕大抽獎
continue reading
《La Favorita - 鰂魚涌》又比我搵到一個happy hour好抵既地方仲要係喺太古坊呢個咁高端既地段🤡叫杯飲品一百蚊左右，但就可以任食自助吧既小食點心，以為係普通野？咁就大錯特錯啦😼淨係計出面既小點都有十幾款選擇，有三文魚及呑拿魚Maki小卷、有ham、有炸物、有不同類型既tarts🤓食三四件都已經回到本，比一杯飲品既價格就可以食到飽飽🤭我就當然唔會只飲一杯啦😎同人傾野或者姊妹淘想搵個decent d既地方聚聚就最好不過啦😌我當日就試左佢地比較特色既cocktail Garibaldi $108🥰味道帶有熱帶果香同有西柚既味道，酒精味道唔強烈，飲多兩杯都唔怕會醉;而朋友就叫左杯無酒精既mocktail LIMONATA，都係一杯充滿熱帶果香味嘅檸檬特飲，一杯就真係柚子味啦，飲落幾清爽解渴，用嚟搭配出面嘅炸薯波少點心就最啱不過🥰出面咁多人小食入面我就最鍾意呑拿魚Maki roll同埋沙甸魚撻賣相靚食落又好味，咸香好送酒😌如果喺開太古區要同人傾嘢我都會首選呢個餐廳，價錢相宜，仲抵過去coffee shop 坐啦😝而家12月內於 Pirata Group旗下餐廳每消費一次就可以獲得1枚印花，滿10個印花即可參加「Seas The Season」聖誕大抽獎，頭獎仲有機會得到雙人馬爾代夫5日4夜之旅酒店連機票住宿添😍
continue reading
趁住weekend，約埋朋友加埋小朋友一齊出去食飯，搵下搵下就見到哩間餐廳。哩間餐廳特別之處，係有一個kids zone，等小朋友食飯食到一半覺得悶可以去玩。而且0至6歲嘅小朋友都係免費‼️我哋揀咗星期日食，驚會好full，所以預先上網訂位。入座前職員再一次確定係食日本菜 定 意大利菜。PALOMA ($98)Brunch由朝早11:30食到晏晝3:00，我早咗少少到，自己叫咗杯cocktail，一路飲一路等😌哩杯飲品好清新，杯邊有少少鹽，而且酒味唔係好濃，好易入口。Kid’s Menu ($148)每份小朋友套餐包括一款主菜、甜品同一杯果汁。主菜有3款，有炸魷魚、炸雞 或者 意粉。意粉可以揀蕃茄汁 或者 卡邦尼汁。而甜品就係雪糕，有雲呢拿味 或者 紅桑子味。雖然話係兒童餐，但係份量都幾多😯我哋揀咗蕃茄汁意粉。小朋友有專屬餐具，不過唔知點解餐廳淨係俾碟同匙羹。小朋友食意粉，都係拎返大人叉😅甜品揀咗雲呢拿味雪糕，雪糕好滑好香奶味。Brunch ($398)大人嘅brunch menu就多好多選擇。一共有4款前菜for sharing，而主食有6款可以揀。最正係甜品，係朱古力火鍋🫕🥹上前菜之前，會先上麵包。前菜SALUMI E BURRATA係Parma ham、mortadella 同 Burrata cheese。Burrata cheese本身味道偏淡，可以中和咗風乾火腿嘅濃味。ROMAN "GIUDEA" ARTICHOKE初頭以為係炸洋蔥，見到係一瓣一瓣。炸到好脆又薄哋，但食落味道又唔似。睇睇menu原來係雅枝竹，第一次食，幾得意，又唔會好油。中間有芝士醬，夾埋一齊食。BIGNÉ AL FOIE GRAS係鵝肝醬puff，好正😍原本擔心會好膩或者好羶，但係佢份量比較少，係一口，一啲滯嘅感覺都無。亦食唔到有羶味，好好味🤤HERBS MARINATED SALMON三文魚上面有sour cream同兩片薄脆。其他前菜太搶鏡，所以哩款前菜唔係特別驚豔。主菜LASAGNE DI BOLOGNA嚟到主菜部份，我哋揀咗千層麵。千層麵上面撒滿芝士，好香。邊位焗到脆脆，每層餡料好多。千層麵調味平衡，唔太酸，唔太咸，岩岩好。麵亦唔會俾啲蕃茄汁浸到淋哂，仍然保持到個口感。CHEESE WHEEL AL TARTUFO第二個主菜，就係最期待嘅黑松露忌廉芝士意粉🥹🥹🥹職員會拎一個大芝士嚟，將熱辣辣嘅意粉放入去，利用意粉嘅溫度整溶啲芝士，每一粒意粉都沾到滿滿嘅芝士😋放上碟之後，職員會喺客人面前撒芝士碎同黑松露，直至客人叫停為止🧀🧀🧀意粉係手工意粉，好彈牙。個忌廉醬睇落好creamy，但係食落唔係好膩，成個意粉充滿芝士，都唔會覺得好滯。一定要試哩個意粉，推薦💯甜品CHOCOLATE FONDUE PER TUTTI用朱古力火鍋做甜品收尾真係好開心😍😍火鍋旁邊有水果、曲奇、棉花糖、蛋白糖。朱古力醬唔係太甜。水果係士多啤梨同藍莓。曲奇同棉花糖都係朱古力醬絕配。反而蛋白糖就咁食比較好味。成個用餐體驗都好好，職員好有禮貌。食到一半，我哋去小朋友區玩，職員趁我哋玩緊嘅時候，幫我哋清理一下混亂嘅枱面😝見我哋玩完返嚟，就幫我哋叫廚房準備上主菜。食物份量偏大，最後都食唔哂。味道調味到位，唔會好濃味，又唔會好咸。小朋友區當日有人扭波波同人體彩繪，職員見我哋食到差唔多，提我哋去拎番一個氣球先走。餐廳都幾多人，好多家庭客人，甚至幾個家庭一齊嘅飯聚都有。所以記得要訂位。推薦大家試下❤️
continue reading
You may be interested in