Video
Read full review
2024-09-14
93 views
成日行過厚福街，都見到呢間好搶眼招牌嘅外賣烤卷店，平時好鍾意食印度烤卷嘅我，今日終於忍唔住要試下，未食過菲律賓菜就更加好奇想試🤤滋味牛肉烤卷菲律賓過江嚟香港仍保留到當地嘅風味，調味會比起大眾食到嘅印度烤卷甜，牛肉粒經過醬料醃製後烤至微脆有如肉燥，食落甜中帶啖啖牛肉香味。配搭各種新鮮蔬菜作為balance，口感層次都幾豐富。香嫩雞肉烤卷相對牛肉，雞肉烤卷係我比較喜歡嘅餐點，雞肉同樣經過醃製後烤制至微熏，但咬落口感比起牛肉更加淋，食到雞肉嘅原味，同樣搭配新鮮嘅蔬菜，感覺輕盈健康，驚肥嘅朋友都可以叫佢地走醬，咁就可以做到高蛋白質又有蔬菜平衡嘅一餐！香嫩雞肉飯（大）份量都幾多，飯本身有加入香料調製，雞肉肉質鬆軟，整個飯充分吸收咗醬汁嘅香味。每一口都充滿邪惡嘅滋味，男士食量嘅話，食一個都夠飽！凍美式咖啡咖啡豆夠香濃，而且可跟餐加配，幾好👍
成日行過厚福街，都見到呢間好搶眼招牌嘅外賣烤卷店，平時好鍾意食印度烤卷嘅我，今日終於忍唔住要試下，未食過菲律賓菜就更加好奇想試🤤
滋味牛肉烤卷
菲律賓過江嚟香港仍保留到當地嘅風味，調味會比起大眾食到嘅印度烤卷甜，牛肉粒經過醬料醃製後烤至微脆有如肉燥，食落甜中帶啖啖牛肉香味。配搭各種新鮮蔬菜作為balance，口感層次都幾豐富。
香嫩雞肉烤卷
相對牛肉，雞肉烤卷係我比較喜歡嘅餐點，雞肉同樣經過醃製後烤制至微熏，但咬落口感比起牛肉更加淋，食到雞肉嘅原味，同樣搭配新鮮嘅蔬菜，感覺輕盈健康，驚肥嘅朋友都可以叫佢地走醬，咁就可以做到高蛋白質又有蔬菜平衡嘅一餐！
香嫩雞肉飯（大）
份量都幾多，飯本身有加入香料調製，雞肉肉質鬆軟，整個飯充分吸收咗醬汁嘅香味。每一口都充滿邪惡嘅滋味，男士食量嘅話，食一個都夠飽！
凍美式咖啡
咖啡豆夠香濃，而且可跟餐加配，幾好👍
Post
