快樂蜂 (黃埔天地)

Open Now

Now Closed

聽講黃埔開左分店，咁啱要去紅磡買野，一於試下。可能因為新開張，再加上星期日，我一點鐘去到，條隊要排到出門口。好彩佢地人手都夠，排左10分鐘左右就到我地1人套餐有好多唔同配搭，蘑菇飯，意粉，薯條🍟，炸雞樣樣齊，我地一人3人，本身想叫桶餐，但原來無嘅⋯佢果度只有桶雞，但就無set,咁唯有分3個餐黎叫，再share喇，埋單136，都算唔貴，我地選擇左外賣返屋企食，略嫌包裝有點唔環保，太多膠袋了，意粉又用發泡膠盒。。。賣相就麻麻地嫁喇，不過肉醬意粉就比想像好，值得一讚嘅係炸雞，外賣依然夠脆，亦唔會油淋淋，仲有雞味，比KFC好喎。總括而信都算ok嘅，以後去開黃埔又多一個選擇