Video
Read full review
2021-07-18
2319 views
上次食一鍋堂已經係幾年前的晚上，上次經驗都唔錯，服務、食物水準都唔錯，呢幾年間中都會去唔同嘅火鍋放題去舒緩我鍾意食火鍋的思念。平時中午食火鍋放題其本諗住用食個午餐價錢可以食多幾款嘢，又可以開心「滾」吓。今日中午就諗住再去一鍋堂簡單食個定食放題，就好似一般日式火鍋放題一樣，已預期食品種類唔會太多，午餐只諗住食碗有肉嘅麵，有幾款丸，可以有幾款菜揀吓食，期望就係咁簡單，所以只要咗60分鐘定食的一種。入到去一睇，丸類唔多，重要全部都有餡，多數有芝士，唔係就有沙律、肉，仲要最基本嘅魚旦、牛丸、腸仔、豆卜都無，菜得二、三款，熟食得幾款並唔多，最慘係豬耳、超麻辣味嘅鴨血熟食我自己又唔啱食！最離譜係有人會不斷提個客剩餘時間，食咗30分鐘就要我埋單，隔一陣就會提你係時間食雪糕，基本上夠鐘前10分鐘我已關火（因為都無興趣再食），只係食餘下少量食物，到最後幾分鐘都執嘢準備走；最頂癮嘅時刻係到我都準備起身走，比夠鐘時間剛剛過咗一分鐘，我望一下錶真係剛咗「一分鐘」，居然會有人過嚟「趕」話時間已過必須離坐。難道我要求太高？唔怪得搭𨋢幾間爆晒人佢呢間都靜英英啦，咁多位唔駛等真係有佢嘅道理。Sorry, 最後一次幫襯
平時中午食火鍋放題其本諗住用食個午餐價錢可以食多幾款嘢，又可以開心「滾」吓。今日中午就諗住再去一鍋堂簡單食個定食放題，就好似一般日式火鍋放題一樣，已預期食品種類唔會太多，午餐只諗住食碗有肉嘅麵，有幾款丸，可以有幾款菜揀吓食，期望就係咁簡單，所以只要咗60分鐘定食的一種。
入到去一睇，丸類唔多，重要全部都有餡，多數有芝士，唔係就有沙律、肉，仲要最基本嘅魚旦、牛丸、腸仔、豆卜都無，菜得二、三款，熟食得幾款並唔多，最慘係豬耳、超麻辣味嘅鴨血熟食我自己又唔啱食！
最離譜係有人會不斷提個客剩餘時間，食咗30分鐘就要我埋單，隔一陣就會提你係時間食雪糕，基本上夠鐘前10分鐘我已關火（因為都無興趣再食），只係食餘下少量食物，到最後幾分鐘都執嘢準備走；最頂癮嘅時刻係到我都準備起身走，比夠鐘時間剛剛過咗一分鐘，我望一下錶真係剛咗「一分鐘」，居然會有人過嚟「趕」話時間已過必須離坐。
難道我要求太高？
唔怪得搭𨋢幾間爆晒人佢呢間都靜英英啦，咁多位唔駛等真係有佢嘅道理。
Sorry, 最後一次幫襯。
Post