Video
Read full review
2018-07-08
1543 views
之前曾幫襯過位於中環嘅「Steak Bar」，早前途經蘭桂坊，發現原來這間日式牛扒店已經搬咗去銅鑼灣登龍街，而原址就改咗做「Burger Bar」。瀏覽過網上餐牌，見店子有我愛吃嘅蘑菇扒漢堡供應，已經即時將餐廳放喺 wishlist，趁這晚小鬼不回來吃飯，就一於兩口子過嚟蘭桂坊行下，順便以 burger 做晚餐。餐廳裝潢同之前嘅「Steak Bar」分別不大，面積細小，座位不多，全部以高身嘅檯櫈為主，桌子擺放得有點密麻，幸好來到時，時間尚早，店內食客不多，店員讓我倆隨意選擇座位，感覺亦蠻不錯。翻開店員送上嘅餐牌，漢堡包共有 9 款選擇，大部份以牛為主，另外亦有雞扒漢堡、炸魚漢堡及素田園磨菇扒漢堡，售價由 $80 至 $145 不等，而客人凡惠顧漢堡，便可用優惠價加配幾款指定小食。小吃當然亦可以散點，全部以炸物為主，有薯條、薯角、洋蔥圈、炸魷魚及吉列炸蝦等。揀好食物後，便可以用點菜紙直接落單，店員會將食物隨後送上。筆者是炸物粉絲，先嚟兩款小食過下口癮，選了洋蔥圈 ($55) 同炸魷魚 ($55)，兩款炸物水準都唔錯，炸得金黃香脆，調味恰到好處。洋蔥圈入口外脆內軟，粉漿唔算厚，味道帶甜；
之前曾幫襯過位於中環嘅「Steak Bar」，早前途經蘭桂坊，發現原來這間日式牛扒店已經搬咗去銅鑼灣登龍街，而原址就改咗做「Burger Bar」。瀏覽過網上餐牌，見店子有我愛吃嘅蘑菇扒漢堡供應，已經即時將餐廳放喺 wishlist，趁這晚小鬼不回來吃飯，就一於兩口子過嚟蘭桂坊行下，順便以 burger 做晚餐。
餐廳裝潢同之前嘅「Steak Bar」分別不大，面積細小，座位不多，全部以高身嘅檯櫈為主，桌子擺放得有點密麻，幸好來到時，時間尚早，店內食客不多，店員讓我倆隨意選擇座位，感覺亦蠻不錯。
翻開店員送上嘅餐牌，漢堡包共有 9 款選擇，大部份以牛為主，另外亦有雞扒漢堡、炸魚漢堡及素田園磨菇扒漢堡，售價由 $80 至 $145 不等，而客人凡惠顧漢堡，便可用優惠價加配幾款指定小食。小吃當然亦可以散點，全部以炸物為主，有薯條、薯角、洋蔥圈、炸魷魚及吉列炸蝦等。揀好食物後，便可以用點菜紙直接落單，店員會將食物隨後送上。
筆者是炸物粉絲，先嚟兩款小食過下口癮，選了洋蔥圈 ($55) 同炸魷魚 ($55)，兩款炸物水準都唔錯，炸得金黃香脆，調味恰到好處。洋蔥圈入口外脆內軟，粉漿唔算厚，味道帶甜；而炸魷魚亦分量十足，上檯時仍熱辣辣，咬下煙韌富嚼勁，是筆者心水之選！
Burger 選了我心儀嘅素田園磨菇扒漢堡 ($80)，漢堡包以木托板呈上，個子不大，用料很簡單，包面灑滿黑白芝麻，而入面就夾有大燒烤蘑菇、車打芝士、生菜、番茄、炒洋蔥同招牌特製醬。麵包應該有烘過，但食落唔算好脆口，包身非常軟熟，芝士半溶化，生菜新鮮爽口，番茄清甜多汁，不過最值得一讚嘅，當然係中間嘅大磨菇，厚肉鮮甜、嫩滑多汁，juicy 程度絕對不遜於漢堡扒。
至於胃口唔錯嘅老公就揀咗炸魚漢堡 ($90)，材料有炸魚柳、生菜、番茄同羅勒醬，另外再加咗兩款 toppings，包括煙肉 (+$20) 同大燒烤蘑菇 (+$40)。由於餡料眾多，加上疊得高高，所以個漢堡包看起來非常巨型，賣相澎湃。魚柳即叫即炸，極為大件，有成 1.5 隻手掌長，如臉般大小，十分誇張。一口咬下，魚柳外層炸至脆卜卜，食落非常鬆化，而入面嘅魚肉亦滑溜不乾身，配埋鹹香惹味嘅煙肉同多汁嘅大烤菇吃，再加罐檸檬汽水 ($18) 作結，食完真係大滿足，喜歡吃漢堡包的朋友不容錯過！
Post
