Fleur (翩滙坊) (Closed)

呢個pancake應該大家都見過，但真係好靚啱哂我呢啲港女，我唔理呀總之我都要介紹下呢間嘢啦！(´･ω･`)Fleur lover $128著名打卡pancake！成個碗都係包你飽🙏🏻 班戟底尚算鬆軟，但冇蛋香，不過加埋面頭咁曳嘅cream cream，係幸福嘅～配埋面頭生果同nuts食，整體唔錯，但係話驚喜就稱唔上架喇，想甜品當飯食嘅可以一試，或者叫嚟比女朋友影相～Yogurt lover $128巧巧食！香蕉blend咗入yogurt入面，蕉香同乳酪味完美融合，天然甜，入口好滑～ 扮沙嘅係消化餅碎，撈埋一齊食就係個幸福甜品，仲可以促進腸道蠕動，養生！（不過唔啱我，因為靚女唔痾屎架🥰）Meat lover $128佢係曳曳嘅吉列豬扒三文治，豬扒炸得好脆，厚身又juicy，咬落肉香充斥口腔，嗚啊～加埋酸酸哋嘅醃椰菜，中和一下膩感，一個人啪哂都得！略嫌個竹炭包有少硬，烘到kongkong聲咁，少尷，不過除此之外都好好味！Baked eggs lover $128見佢啲白汁湧哂出嚟咁，以為會好正，但食落係冇味的😥成道菜就係法包點淡忌廉，面頭芝士得兩條仔，可能芝士好貴🙏🏻 入面有兩隻溫泉蛋，