CIAK - All Day Italian (太古城中心) (Closed)

星期一係復活節最後一日假期，難得老公得閒可以陪我全日過18號，因為夜晚無堂食，於是中午出去餐廳食餐好既。餐包上枱係熱架，外脆內軟，好好食，可以再添架。意大利八爪魚薄片配車厘茄及檸檬欖油汁八爪魚好似食緊橡皮甘煙韌，唔係咬唔爛個種，唔錯。是日餐湯係甘荀湯，出晒煙，味道正常。自選雙拼組合薄餅(7吋)揀左Nircina同Prosciutto & Formaggi，兩個都好濃芝士味，Parma ham食得出係靚野，兩個都好食。自家製幼麵配蟹肉、薩丁尼亞烏魚子及番茄醬加$60，海鮮既鮮甜味好出，幼麵好滑溜，食到尾仲有好多湯汁，好食。奧利奧芝士蛋糕配牛奶雪糕最失望既一道，雪糕無乜味，得少少甜味，蛋糕Oreo同芝士味都唔出，唔知食緊乜。