Video
Read full review
2020-07-08
360 views
#肥doi遊葵芳.愛隊利物浦係26/6正式登基做英超冠軍，呢間小店就係28/6正式開張，主打賣飛碟同鐵板燒小食。咁岩有日要去葵浦做野，做完野梗係過黎葵廣幫襯一下當慶祝啦！-《鰻魚飛碟》$32兩塊麵包厚度偏薄但係烘得好鬆脆，就算無第一時間食都唔會好快變淋，不過做法就比較似三文治多過似飛碟，因為兩塊包邊唔係合埋。鰻魚餡料超豐富，由包心去到包邊都充滿一塊塊既鰻魚，食食下跌左少少落地就知啲餡料有幾滿。呢個價錢就唔好期望鰻魚係咩高質貨，但起碼都做到入口軟淋既效果，但係如果可以比多少少鰻魚汁就比較好，因為食到有幾啖係比較淡味，不過一分錢一分貨算係咁啦！.《燒牛舌》$19 牛舌燒完會切粒上，我估燒完之後師傅都有放係度等佢rest下，即使切左粒都食到有少少肉汁保留左。厚度都算係厚切，火喉掌握得唔會過火，食落唔會似香口膠咁咬唔爛。《燒豬頸肉》$19同牛舌相比豬頸肉比較平平無奇，口感保持到豬頸肉應有既爽口，但味道就無咩特別仲有少少偏慢同埋比較油膩，下次應該唔會再揀豬頸肉。.《自家製法式周打蜆湯》附送限時開張優惠買滿$70會送一客自家製既法式周打蜆湯，湯身偏杰，材料都好豐富有好多煙肉、碎洋蔥、薯仔粒同蜆肉係
.
愛隊利物浦係26/6正式登基做英超冠軍，呢間小店就係28/6正式開張，主打賣飛碟同鐵板燒小食。咁岩有日要去葵浦做野，做完野梗係過黎葵廣幫襯一下當慶祝啦！
-
《鰻魚飛碟》$32兩塊麵包厚度偏薄但係烘得好鬆脆，就算無第一時間食都唔會好快變淋，不過做法就比較似三文治多過似飛碟，因為兩塊包邊唔係合埋。鰻魚餡料超豐富，由包心去到包邊都充滿一塊塊既鰻魚，食食下跌左少少落地就知啲餡料有幾滿。呢個價錢就唔好期望鰻魚係咩高質貨，但起碼都做到入口軟淋既效果，但係如果可以比多少少鰻魚汁就比較好，因為食到有幾啖係比較淡味，不過一分錢一分貨算係咁啦！
.
《燒牛舌》$19 牛舌燒完會切粒上，我估燒完之後師傅都有放係度等佢rest下，即使切左粒都食到有少少肉汁保留左。厚度都算係厚切，火喉掌握得唔會過火，食落唔會似香口膠咁咬唔爛。
《燒豬頸肉》$19
同牛舌相比豬頸肉比較平平無奇，口感保持到豬頸肉應有既爽口，但味道就無咩特別仲有少少偏慢同埋比較油膩，下次應該唔會再揀豬頸肉。
.
《自家製法式周打蜆湯》附送限時開張優惠買滿$70會送一客自家製既法式周打蜆湯，湯身偏杰，材料都好豐富有好多煙肉、碎洋蔥、薯仔粒同蜆肉係入面，每一啖成口都係材料。但我略嫌啲材料真係too much，搞到飲完個湯已經飽飽地，建議可以減少材料多返啲湯水比較好。味道還好，偏重煙肉同香草味。
-
👅味道：6.5/10
🍱賣相：7/10
.
🏠環境：7.5/10
店鋪既側邊都貼滿左大大小小有關利物浦既海報或者精品，收銀機上仲放左一個印有YNWA既燈箱(好似係)，身為利迷既我一見到即刻心心眼。門口都保持整潔同衛生，但目測好似無垃圾桶比堂食既食客食完掉垃圾。
.⭐總評分：7/10
Post
