刈Bao台式創意小食 (Closed)

第一次食刈包， 呢度全部既刈包都係即叫即製，除左刈包之外仲有好多台式小食可以食，好似鹽酥雞、蚵仔煎、甜不辣咁。嗌刈包既套餐仲可以包一款小食添。1⃣️黑松露雞刈包（套餐：$42）刈包係好似饅頭咁，其實冇味🤣食落好鬆軟。但係入面包住既黑松露雞好有驚喜😳黑松露味好濃，雞肉好juicy一啲都唔乾，加埋有啲生菜，成個口感好正，雞肉夠嫩滑，加埋面頭既松露醬同埋沙律醬，超好食～醬夠味，但係唔會搶過雞肉本身既味道，成個包好好食！😋絕對值得encore！  2⃣️黃金芋泥丸（套餐+$2）呢個相對冇咁驚喜。有三粒，食落好脆，入面有啲芋泥，中間包住啲鹹蛋黃蓉，味道唔算濃郁。