細妹姐餃子拉麵店

Open Now

Now Closed

今日收工在葵芳處理完啲事後，順便去左葵廣行左圈，突然又累又肚餓，見到細妹姐餃子店🥟有位就入去坐低搵野食。🍜骨湯雙併豬肉餃子台灣麵$52🥢可以揀大麵條、拉麵、公仔麵、米線或者湯飯，我未食過大麵條就揀左試吓。餃子就得兩款，得韭菜豬肉同椰菜豬肉餃，選擇就比較少，所以雙拼都係得呢兩款。🥢大麵條真係好粗大，食落幾有口感，煙煙韌韌咁；骨湯都比想像中好飲，唔覺有落味精，飲落幾清甜，好啱我口味。🥢餃子算幾大粒，韭菜同椰菜都幾新鮮，唔多覺落胡椒粉，而肉嘅份量都真係幾多，食完成碗餃子麵都幾飽👍🏼🥢眼見其他枱啲男士都點12隻餃子🥟，我就應該食唔哂啦。餐廳除咗食餃子麵，仲有飯類，有機會再過嚟都可以再試吓。