Video
Read full review
2024-10-21
0 views
呢晚喺葵芳呢頭放工，發現呢間cafe仲營業緊就入咗去食 。呢間cafe有唔少意大利粉嘅選擇，仲有幾多啱打卡嘅菜式💛秘製流心蛋治呢個係餐廳嘅招牌菜，見到好多客人都有點，我都唔執輸嗌咗一份嚟食🥪 呢個蛋治嘅外層用上咗香濃牛油嘅甜包，麵包都幾厚身，所以夠晒飽肚。中間嘅一層就係最吸引嘅碎蛋沙律，同埋上面有一隻開半嘅流心蛋🍳香濃芝士卡邦尼亞扁意粉呢個卡邦尼意粉鹹香十足，醬汁以芝士同埋蛋汁為主，扁意粉非常掛汁，面頭仲有好多香脆嘅煙肉碎同埋芝士碎🍝 成個意粉都好吸引，會忍唔住一啖接一啖咁食。加配小食嗌主食嘅話，可以用優惠價加配小食，最特別嘅係可以一次過嗌晒七款唔同嘅小食🤣 我哋就試咗以下嘅小食。♦️炸薯條配黑松露蛋黃醬香脆嘅炸薯條配埋黑松露蛋黃醬，真係絕配🍟 而且薯條嘅份量都幾多。♦️蒜香雞翼蒜香雞翼一份有兩隻，炸雞翼配上外層嘅炸蒜，真係有好重嘅蒜香味。炸雞翼外脆內軟，入面嘅雞肉仲好多肉汁，熱辣辣食真係好正🐥♦️忌廉菠菜呢個菠菜配埋忌廉汁好嫩滑🥬♦️蒜香炒蘑菇雖然呢一個炒蘑菇嘅賣相比較黑鼆鼆，但係呢一個蘑菇係非常惹味。份量都幾多，用啲蒜蓉炒埋一齊，真係好香🍄🟫 飲品♦️朱古力鮮奶我哋揀呢杯係冇咖啡喺入面，主
呢晚喺葵芳呢頭放工，發現呢間cafe仲營業緊就入咗去食 。呢間cafe有唔少意大利粉嘅選擇，仲有幾多啱打卡嘅菜式💛
秘製流心蛋治
呢個係餐廳嘅招牌菜，見到好多客人都有點，我都唔執輸嗌咗一份嚟食🥪 呢個蛋治嘅外層用上咗香濃牛油嘅甜包，麵包都幾厚身，所以夠晒飽肚。中間嘅一層就係最吸引嘅碎蛋沙律，同埋上面有一隻開半嘅流心蛋🍳
香濃芝士卡邦尼亞扁意粉
呢個卡邦尼意粉鹹香十足，醬汁以芝士同埋蛋汁為主，扁意粉非常掛汁，面頭仲有好多香脆嘅煙肉碎同埋芝士碎🍝 成個意粉都好吸引，會忍唔住一啖接一啖咁食。
加配小食
嗌主食嘅話，可以用優惠價加配小食，最特別嘅係可以一次過嗌晒七款唔同嘅小食🤣 我哋就試咗以下嘅小食。
♦️炸薯條配黑松露蛋黃醬
香脆嘅炸薯條配埋黑松露蛋黃醬，真係絕配🍟 而且薯條嘅份量都幾多。
♦️蒜香雞翼
蒜香雞翼一份有兩隻，炸雞翼配上外層嘅炸蒜，真係有好重嘅蒜香味。炸雞翼外脆內軟，入面嘅雞肉仲好多肉汁，熱辣辣食真係好正🐥
♦️忌廉菠菜
呢個菠菜配埋忌廉汁好嫩滑🥬
♦️蒜香炒蘑菇
雖然呢一個炒蘑菇嘅賣相比較黑鼆鼆，但係呢一個蘑菇係非常惹味。份量都幾多，用啲蒜蓉炒埋一齊，真係好香🍄🟫
飲品
♦️朱古力鮮奶
我哋揀呢杯係冇咖啡喺入面，主要係朱古力同埋鮮奶，仲有面頭薄薄嘅cream🍫 朱古力嘅味道好濃郁，而且飲落好綿密。
♦️美式咖啡
呢度嘅Americano用上果香嘅咖啡豆，飲落口唔會過分酸，仲帶點回甘☕️
呢間cafe淺木色嘅裝修幾明亮，加埋食物賣相唔錯，經過嘅話可以嚟呢度打吓卡休息一下啊😎
Post
