新四眼佬打冷小廚

Open Now

Now Closed

自從禁晚市又有限聚令之後都好耐冇食過大排檔啦，雖然新開張選擇唔多，不過午市都有提供啲鑊氣小炒，食少少止住癮先😎豉椒炒蜆 $99 出街食炒蜆最怕就係殼多過肉，呢到粒粒都交足貨👍🏻，蜆肉鮮甜大隻，大部分食落都冇咩沙，加埋指天椒吊味，豉汁更加香濃惹味😍椒鹽鮮魷 $99鮮魷炸得夠脆身，入口完全唔粉，而且肉厚爽脆，唔會過韌，椒鹽鹹香惹味😆咸菜胡椒豬肚雞湯 $88配飯、米粉、瀨粉或者烏冬，豬肚爽口彈牙冇腥味，雞件都幾多幾滑，湯頭清甜，胡椒味唔太突出，鐘意食辣可以再加胡椒粉調味😙送羅漢果茶，味道甘甜，算係易入口嘅涼茶🤪