丸十日本食堂 (Closed)

啱啱去完日本旅行返嚟 好掛住新鮮既日本刺身，今日放工之後就去左葵芳丸十滿足下😋😋 刺身入邊我最鍾意就係吞拿魚同埋三文魚🍣🥢 叫咗一set吞拿魚壽司 有吞拿魚蓉 同2款唔同部位嘅刺身，一set就有3個選擇。三文魚就叫咗刺身，驚太多飯，三文魚既厚度 連係日本都食唔到，一啖食哂真係勁滿足🤪 另外重叫左一客2件厚帶子刺身壽司。熟食方面選擇都多，我地都係食肉獸 要左雞扒丼，雞扒煎到表面微微地脆 配上醬汁撈飯一流🍚 另外蒜片牛扒份量唔小，岩岩好7成熟 配上青檸汁 一啲都唔油膩 重好夾👍🏻 嚟呢度，我每一次都一定會點幾串串燒，每一串都係即點即燒上枱🍢 好有誠意架。