Video
Read full review
2023-02-27
521 views
📇地址：葵芳興芳路223號新都會廣場2樓240-243號舖🕐營業時間：星期一至四12:00-22:00； 星期五至日11:30-22:30💸人均消費：～$100/人👏🏻抵讚位：鋪面唔大，但都唔會坐到要同隔離枱貼埋咁濟，眼見都放到好多張枱。QR code自助落單，夠快，唔使下下都要等啲侍應過黎人手落單👍🏻🍴Food QC：「伝說丼 標準 $55 配炸雞套餐+35」「香蔥伝說丼 增量 $75 配餃子套餐 +$28」首先講下好個方面先，小食做得幾好。炸雞粉漿唔厚，3舊都大大舊，食得都滿足，如果有醬點就仲好，就咁食有啲乾。餃子都唔錯，上枱熱辣辣，食得出係即煎，煎到底部脆一脆。但佢個伝說丼就真係唔係太掂，蒜香豬肉片唔多，面頭個層望到幾多就幾多，但每塊都鹹，當鹹肉黎撈飯都叫ok嘅。最大嘅敗筆係成個飯得個少少飯係有汁，成碗飯都勁乾又無味，加上肉唔係特別多，我要加七味粉黎送飯🥲 套餐跟埋一罐罐裝飲品/麵豉湯。😯有待改善位：上菜速度可以快啲，食哂兩款小食個飯仲未到，一碗豬肉蓋飯要整成15-20分鐘🥹 真心建議可以俾番多少少汁落碗飯度，唔係食哂啲豬肉就同食白飯無乜分別😼私心回應區：見呢間丼飯新開張，上次經
🕐營業時間：星期一至四12:00-22:00； 星期五至日11:30-22:30
💸人均消費：～$100/人
👏🏻抵讚位：鋪面唔大，但都唔會坐到要同隔離枱貼埋咁濟，眼見都放到好多張枱。QR code自助落單，夠快，唔使下下都要等啲侍應過黎人手落單👍🏻
🍴Food QC：
「伝說丼 標準 $55 配炸雞套餐+35」
「香蔥伝說丼 增量 $75 配餃子套餐 +$28」
首先講下好個方面先，小食做得幾好。
炸雞粉漿唔厚，3舊都大大舊，食得都滿足，如果有醬點就仲好，就咁食有啲乾。餃子都唔錯，上枱熱辣辣，食得出係即煎，煎到底部脆一脆。
但佢個伝說丼就真係唔係太掂，蒜香豬肉片唔多，面頭個層望到幾多就幾多，但每塊都鹹，當鹹肉黎撈飯都叫ok嘅。最大嘅敗筆係成個飯得個少少飯係有汁，成碗飯都勁乾又無味，加上肉唔係特別多，我要加七味粉黎送飯🥲 套餐跟埋一罐罐裝飲品/麵豉湯。
😯有待改善位：
上菜速度可以快啲，食哂兩款小食個飯仲未到，一碗豬肉蓋飯要整成15-20分鐘🥹 真心建議可以俾番多少少汁落碗飯度，唔係食哂啲豬肉就同食白飯無乜分別
😼私心回應區：
見呢間丼飯新開張，上次經過又多人排隊，價錢唔係特別地貴，就去左試下。但日本過江龍過到黎香港，就好似麻麻地😳 食完嘅感覺係：我會揀食sukiya😅
Post
