The Salted Pig (新都會廣場) (Closed)

想試好耐的餐廳the salted pig，終於唔洗等位，當然就入去試下。環境都幾舒服，枱數唔算太多，但枱與枱之間都有一定距離。店員都好主動推介店內期間限定的清新特飲，不過大部分飲品都含酒精成份，岩晒放工後chill下，但未滿十八歲🔞就要注意。 ⦁安格斯牛肉芝士漢堡配薯條大大個漢堡，多汁又勁濃牛味，入面有香脆的Bacon同熟洋蔥，口感超好。 ⦁墨西哥薄餅（蝦/雞/牛）除左薄餅、滿滿香料味的雞肉，仲有幾款醬可以自由配搭（芝士/牛油果/番茄洋葱/醃辣椒）個人鍾意醃辣椒。 ⦁香蕉雪糕新地有粒燒到外脆內軟的棉花糖，一堆朱古力豆。最吸引的是雪糕上的waffle，上面帶有少少焦糖，令到waffle脆卜卜。 ⦁Passion Apple（不含酒精）熱情果、蘋果、桃、士多啤梨等水果泥mix埋一齊，味道好fresh好smooth，酸酸甜甜好開胃。 ⦁Elderflower High Ball（含少量酒精）接骨木花威士忌梳打、青檸汁，有少少酒精味，接骨木花的味道有少少似藥水味，但攪拌均勻後似又唔覺。