Yadllie Plate 야들리애플래이트 (兆萬中心)

之前已經食過呢間餐廳，覺得佢個半半烤雞超好食，諗住帶朋友嚟試吓。點知坐低叫嘢食嘅時候， Staff先講冇晒烤雞，令我同朋友都覺得好失望，因為朋友唔係好食炸雞。但係最尾佢都決定要order埋。嚟到，個炸雞個皮原來唔係我哋想像中咁厚，食第一啖嘅時候d 肉好Juicy，個皮都啱啱好，夠鬆脆。但係個薯條就麻麻哋，可能因為自己本身唔係太鍾意食粗啲嘅薯條。見個個喺OpenRice都讚話個魚鍋好好食，我地就咗一個醬油魚介湯鍋，加一個辛辣麵。點知食第一啖嘅時候，覺得嗰啲魚蛋都幾無味，個湯底係好似水咁淡。啲魚蛋仲可以，己有咬口，但係個湯真係唔得。最好食都係個辛辣麵。真係唔會再食呢一個鍋，性價比好低。之後我哋再食咗個黑糖珍珠奶茶雪冰，雖然有少少苦，但係上面嗰個雪糕同埋嗰兩條Oreo黑白配好好食。啲珍珠都幾難食，好多都黐埋住，同埋太軟，冇咬口。