Video
Read full review
2023-04-20
114 views
去完個旅行返嚟，每晚都唔想煮，咁啱有事要入將軍澳坑口，比呢間Coffee Break 既外觀吸引左入去食左個晚餐，有無預料到既驚喜。 先講環境，餐廳正背面都用左大玻璃窗，係外面已經望得到裡面既裝潢，淺木色地板，灰白雲石枱，一盞盞既吊燈，木製椅子，呢個配色我係超級鐘意，更顯得側面的紅磚牆有玩味。木櫈有時唔係咁好坐，但呢度所有木櫈都有附軟墊，坐得耐都唔怕。 地點好方便，TKO Gateway就係地鐵站隔離。Staffs 有禮貌，上菜速度正常發揮，平日晚上唔多人，唔會話好嘈傾唔到計。嗌左兩個Set Dinner，前菜揀左南瓜湯，好creamy，濃稠度剛好。主菜點左蒜香辣椒蜆肉意粉，上菜果時仲心諗上面只得四五粒蜆咁小氣，點知原來個底有好多蜆收埋左係意粉下面，直頭覺得佢要改名做蒜香辣椒意粉蜆肉，仲有好多蒜粒，本人表示十分鐘意。朋友叫左個酥炸雞球蕃茄意大利飯，都好食，舊雞炸得幾好，唔會話好乾同食緊炸粉，意大利飯就正常發揮。飲品點左 Ice Americano 同Ice Hazelnut Latte。咖啡既野好睇個人口味，同我一樣鐘意濃味nutty既人會鐘意呢杯Americano，Latte就恰如其
先講環境，餐廳正背面都用左大玻璃窗，係外面已經望得到裡面既裝潢，淺木色地板，灰白雲石枱，一盞盞既吊燈，木製椅子，呢個配色我係超級鐘意，更顯得側面的紅磚牆有玩味。木櫈有時唔係咁好坐，但呢度所有木櫈都有附軟墊，坐得耐都唔怕。
地點好方便，TKO Gateway就係地鐵站隔離。Staffs 有禮貌，上菜速度正常發揮，平日晚上唔多人，唔會話好嘈傾唔到計。
嗌左兩個Set Dinner，前菜揀左南瓜湯，好creamy，濃稠度剛好。主菜點左蒜香辣椒蜆肉意粉，上菜果時仲心諗上面只得四五粒蜆咁小氣，點知原來個底有好多蜆收埋左係意粉下面，直頭覺得佢要改名做蒜香辣椒意粉蜆肉，仲有好多蒜粒，本人表示十分鐘意。
朋友叫左個酥炸雞球蕃茄意大利飯，都好食，舊雞炸得幾好，唔會話好乾同食緊炸粉，意大利飯就正常發揮。
飲品點左 Ice Americano 同Ice Hazelnut Latte。咖啡既野好睇個人口味，同我一樣鐘意濃味nutty既人會鐘意呢杯Americano，Latte就恰如其分奶味為主， 朋友表示鍾意。
埋單只係 $242，人均120蚊左右有呢個質素我覺得無可挑剔。
當日試唔到梳乎厘斑㦸因為甜品師傅無返，希望下次可以試到，絕對會有下次！
蒜香辣椒蜆肉意粉
2 views
0 likes
0 comments
酥炸雞球蕃茄意大利飯
2 views
0 likes
0 comments
Post
