五感日常 (Closed)

中環啱啱開咗一間蒟蒻專門店，啱啱曬近期食得太多嘅我🤪。呢度專門賣蒟蒻飯同埋蒟蒻麵。麵有撈麵同埋湯麵。湯麵嘅湯係日日新鮮煲嘅椰子雞湯。蒟蒻飯就少見啲，係混合咗牛旁、冬菇、蟲草花、腐皮等嘅五目蒟蒻飯。口感比起真飯有彈性，而且已經入曬味。飯同湯嘅配料有好多款，今次先試吓佢哋嘅雞先。海南雞超級嫩，比起好多話專做海南雞嘅餐廳更好，而且口味偏淡而濃雞味。另外額外叫多咗一碗湯。冇錯，就係湯麵嘅湯，除咗椰子、雞，仲有螺片絕對係老火湯嗰一類。小食嘅醉雞卷一樣咁出色，而且限量㗎，遲咗就賣晒。