壹蒸鍋

今日行過旺角唔知食咩好，就上去兆萬睇下有咩食，見到衣個蒸海鮮好特別，可以打邊爐，蒸海鮮同食粥。一入去坐底未叫野食就有一碟前菜比我地食，好窩心，正好肚餓，填住肚先👍🏻鍋底可以簡火鍋，或者粥底鍋，我地簡左招牌。 蒸海鮮都係唔駛點就會上，咩款都有，食完唔夠先寫其他。海鮮唔錯，會鋪上蒜容同粉絲，好有味，有啲似食中菜，平時食其他蒸海鮮都係齋蒸海鮮，咩都無，所以都幾特別🤣食完一轉海鮮都夠，就可以粥，估唔到個粥反而有驚喜，好好食，咁就食左兩碗，所以都飽，之後你可以打邊爐，佢會等你食完粥加水，食物點得唔多，兩個人都食飽左，但又想試下個肥牛🤭 因爲見到隔離枱碟牛肉好令，一試果然唔錯👍🏻 下次有機會再食過😝