愛.味道 (Closed)

一直都覺得哩間嘢唔掂…今次忍唔住要出post。之前下午茶叫個雞扒米粉，個湯底同水一樣，塊雞扒醃到勁咸，都掩蓋唔到陣唔新鮮嘅雞嗅味…今次晚餐哎個蒸肉餅外賣（下圖）…有冇兩成熟？午餐肉咁嘅色，咁都得？蒸肉餅都無咩技巧可言，而我叫外賣食都只係求個食得安心…打俾佢，佢話整過一個送過來…今次有返七成熟…我打去舖頭問過究竟，佢老闆話而家請人好難，啲㕑房職員唔生性…不過，都係嗰句，蒸個肉餅啫…唔係因為佢午巿做office 客，加埋附近暫時未有太多餐廳選擇，哩間咁嘅餐廳應該執咗十年…因為無競爭，出品求其，貴夾唔好食，愛味道真係活生生嘅例子！