船渦

Open Now

Now Closed

今晚喺銅鑼灣嘆咗一餐高質的海鮮蒸氣火鍋，選了九品芝麻套餐，仍在回味中😃沙律蟹籽青瓜沙律，味道清新爽口😃炸物章魚燒上枱熱辣辣的，外層酥脆，內部有魷魚粒，有嚼勁👍海鮮以＄1換購鮑魚兩隻，超抵! 鮑魚大大隻也夠新鮮，很有嚼勁；大蜆、白蜆同貴妃蚌均鮮嫩多汁；蝦則肉質非常彈牙，味道鮮甜；鮮魚片質地柔嫩，入口即溶😁兩款肉類我揀咗美國肥牛和豚肉片，肥牛肉汁豐富，口感嫩滑，只需蒸1分鐘就啱啱好；豚肉片質地柔嫩，大約蒸4分鐘就可以食得🥰丸類有牛骨濃汁牛丸、薑汁皮蛋貢丸及招牌墨魚丸，蒸5分鐘左右便熟👍呢啲丸丸都非常爽口彈牙，而我最鍾意的就係薑汁皮蛋貢丸，咬到皮蛋㗎！蔬菜拼盤有粟米、翠玉瓜、金菇、娃娃菜、南瓜同冬菇，用蒸的方法煮蔬菜，感覺特別健康👍米線主菜揀米線，軟硬度適中，加上湯來吃很開胃😋甜品有芒果、香芋味及雲呢拿味的雪糕糯米糍，食完蒸鍋食吓甜品感覺特別滿足😍整體來講，呢度環境寬敞，裝修雅致，一人一鍋蒸鍋套餐不錯，海鮮、肉類等味道美味，其實就算一個人來食都係一個好選擇呢！