奏海鮮火鍋 (Closed)

應承咗朋友結婚做姐妹，為咗可以令自己塞得落條靚裙，我決定減肥，之前去過呢間奏火鍋度用餐，覺得出品唔錯，價錢都相當公道，所以決定再嚟，但就唔食火鍋，轉做蒸氣火鍋，其實個個以為打邊邊一定肥，咁係因為個湯底給晒食物嘅油脂，但如果轉做蒸氣火鍋，咁除咗可以食到食物嘅原有鮮味，也因為蒸鍋主打食原味，所以調味料相對減少，起碼無咁多鹽，可減輕水腫嘅問題。其實，蒸氣鍋真係唔錯嘅養生食療，最重要係食物一定夠新鮮，而呢方面呢度就做得相當出色，尤其係魚類，鮮到不得了，咬口都好好，食多咗都唔怕肥，而且侍應好細心，蒸嘢嘅時間拿捏得非常好，一道一道好有次序咁為我們蒸煮，今時今日咁嘅服預態度先係啱數，一定會再嚟幫襯