Video
Read full review
2016-12-25
631 views
近年尾又係同朋友聚舊既時間，今晚朋友就book左去呢間位於佐敦莊士敦廣場5樓既「名朝」食任食邊爐。任何時段入座食2.5小時任食都只係$158加一/每位，最平既子夜時段更可以$98加一/每位，好抵食下。見價錢平，本身都無咩期待，但原來都唔錯！餐廳設有3個自助區，選擇眾多：一邊有一大排雪櫃放飲品、茶同即食麵；另一邊係醬油區；再隔離就係刺身壽司、餐前小食、即製甜品同埋一個甜品櫃。未開始打邊爐之前已經有好多餐前小食比客人開胃，我就拎左鹵水小吃同埋豬腳薑。豬腳薑好入味，豬腳亦夠稔好易咬，多肉而少脂肪，薑又夠保身，幾岩女性食～食完一輪前菜，就開始點餸打邊爐。湯底點左胡椒豬肚湯，同埋另加左3隻餐紙上無既生蛋（$5/隻）。發現呢度唔止係打邊爐，原來仲可以點海鮮嚟蒸，好似蒸鍋甘，湯底止鍋上面放上一個蒸籠，然後自己計時等食物蒸好。食完蒸物後，就真係開始打邊爐啦！用手機版就可以放大睇餐單，選擇都唔少！點左：苟菜餃、響鈴、芝士腸、蟹柳、花膠、魚雲、鵝腸、牛骨髓、牛栢葉、手打墨魚丸、大蜆、蟹籽丸、炸魚皮 ，全部都無咩問題，唯獨係肥牛真係好肥，唔太開胃。食到7成飽岩岩好，留肚食甜品！其他於雪櫃內既甜品都好少，我就
任何時段入座食2.5小時任食都只係$158加一/每位，最平既子夜時段更可以$98加一/每位，好抵食下。見價錢平，本身都無咩期待，但原來都唔錯！
餐廳設有3個自助區，選擇眾多：一邊有一大排雪櫃放飲品、茶同即食麵；另一邊係醬油區；再隔離就係刺身壽司、餐前小食、即製甜品同埋一個甜品櫃。
未開始打邊爐之前已經有好多餐前小食比客人開胃，我就拎左鹵水小吃同埋豬腳薑。豬腳薑好入味，豬腳亦夠稔好易咬，多肉而少脂肪，薑又夠保身，幾岩女性食～
食完一輪前菜，就開始點餸打邊爐。湯底點左胡椒豬肚湯，同埋另加左3隻餐紙上無既生蛋（$5/隻）。發現呢度唔止係打邊爐，原來仲可以點海鮮嚟蒸，好似蒸鍋甘，湯底止鍋上面放上一個蒸籠，然後自己計時等食物蒸好。食完蒸物後，就真係開始打邊爐啦！
用手機版就可以放大睇餐單，選擇都唔少！點左：
苟菜餃、響鈴、芝士腸、蟹柳、花膠、魚雲、鵝腸、牛骨髓、牛栢葉、手打墨魚丸、大蜆、蟹籽丸、炸魚皮 ，全部都無咩問題，唯獨係肥牛真係好肥，唔太開胃。食到7成飽岩岩好，留肚食甜品！
其他於雪櫃內既甜品都好少，我就食左大菜糕、牛奶奶凍同埋楊枝甘露。
發現呢度既甜品唔錯，有驚喜！唔怪得之唔少人都排隊等即製綠茶心太軟、芝士撻同梳乎厘啦！即製綠茶心太軟真係有流心綠茶醬流出；即製芝士撻好香脆；而即製梳乎厘就最為出色，雖然每次只焗3個而且需時，但今晚我同朋友都encore左幾次！可以任何時間入座又有甘齊蒸鍋、火鍋、甜品同前菜都只係$158加一，好抵食！
Post
