大壹燒鵝 (啟田大廈)

Open Now

Now Closed

今日唔想煮飯，落班就出黎搵嘢食。之前已經食過哩間大壹燒鵝，今次因為又想食燒味飯所以特登過黎食多一次喇！餐廳樓面比較大有兩層，環境也比較乾淨，坐位寬敞坐得舒適。一進店內就見到食客滿座，但係一啲都唔會影響上菜速度，一坐低冇幾耐好快菜就上到枱。燒鵝脾燒鵝係即叫即整，一上枱就可以感覺到香氣四溢。鵝皮皮薄而且燒得顏色好靚又香脆，肥瘦比例均勻又唔會好油膩，點上酸甜汁味道層次更豐富，送飯食真係好正！叉燒飯叉燒燒得好好味！帶小小燶邊，食落感覺非常脆口又香甜。肉質鮮嫩一啲都唔會柴，味道感覺就同普通燒味店唔同。啫啫雞煲雞煲上到枱仲係熱辣辣哋出晒煙，可以聞到好大嘅香氣撲鼻而來。以大量嘅洋蔥同蒜頭爆香調味，仲有豬肉、香菇。份量非常驚喜，雞件好大塊又煮得入味，醬汁濃郁送飯簡直一流！