大壹燒鵝 (啟田大廈)

Open Now

Now Closed

堂食2碟雙拼叉燒燒肉飯我覺得可以家人覺得不好食我特登試埋燒鵝下莊3成肉7成骨我都無去計較肉少1730後入座1830前離座可享9折我當然主動向收銀員講1830前離開是否有9折當時店長已處理折扣優惠店長態度正常但當去到收銀員準備收錢時我繼續用八達通付款收銀員已經黑面我再問收銀員囉番折扣後的收據收銀員比左張打折前的收據敷衍了事食物尚可以樓面同事本身都客氣比你一個收銀員攪到我永不再食講真無本事做9折你唔做我都會食可以比多27元今次慳左27元我要受氣咪永不再食囉

難得來到藍田，聽朋友說這邊有一間燒鵝名店，剛好在下午茶剛結束的時間來到餐廳。本來想點燒鵝拼乳豬，但乳豬竟然賣完了，新的一批還沒出爐🥹最後點了燒鵝拼肥叉。燒鵝併肥叉飯，燶邊肥叉配燒鵝髀🥰的確燒鵝皮脆肉香☝🏻叉燒肥瘦相間，廣式食品的又鹹又甜精髓在其身上完美體現。🫨士多啤梨豬扒，吃起來就是用草莓醬煮的豬扒，喜歡吃甜口的朋友應該會很喜歡🫨有天下午茶時間經過，本來想簡單吃個雙拼飯，下午茶燒味好像只有粉麵的選擇，點了瀨粉。很多年沒有吃過瀨粉，真的很神奇的味道，明明看起來像不掛湯的材質，但吃起來有湯的味道😂好吃。本來想要叉燒拼燒排骨，但燒排骨剛好賣完，就要了油雞，品質有多好大家可以直接看圖片🫨怪不得是燒味名店，連下午茶都無可挑剔✨

嗌咗兩個雙拼，燒鵝仲細過即食雞胸，叉燒硬到難食過街市買嗰啲醬汁又鹹，瀨粉個湯底又鹹完全唔明點解會咁多好評？食完飲晒成杯檸檬茶都仲係覺得好鹹可能啲人喺藍田返工冇得揀先去食

藍田附近應該都好多選擇， 心思思想試下食燒味。遇上繁忙午餐時間，燒鵝遲少少去都已經賣曬，份量足夠，唔算太肥，調味啱好，想一嚐燒味會推介！白飯可以轉粉面，份量都足夠。

街坊生意，價錢合理，份量亦大份。呢到已經成為飯堂之一，家人好鍾意係到食或外賣，其中福建炒飯係絕對同出面有名嘅酒樓有得比。唯一感到失望係收銀帶眼鏡姐姐手腳唔乾淨，一年同家人總有幫襯一百幾十次我冇誇張，呢位姐姐有一兩成時間收錢會找少錢畀你，之前家人有講過，但我冇特別為意，以為純粹擺烏龍；直至今晚我100%肯定佢係故意，左手先找少錢畀你，當我發現少咗20蚊，佢隨即半秒內右手比返出嚟，手勢好純熟，冇可能係誤會，我覺得咁樣做好唔老實，亦會影響整間餐廳嘅信譽。

我男朋友係藍田街坊帶我嚟食，佢話佢成日都嚟食燒鵝，叫我一定要試😂餐廳好大有兩層，環境光猛，坐得好舒服。叫左4樣餸加個湯，個湯好飲唔似係味精湯，啲燒鴨燒得好好食皮脆肉嫩，連我唔係食肉獸都忍唔住食好多😝😝個銀魚仔浸時蔬又係好好食，銀魚加個菜都好夾，仲叫左條鼓汁蒸倉魚，條魚好新鮮完全唔腥熱辣辣咁出，同啲汁都好夾，以平民價食左個高質晚餐😋會再嚟幫襯☺️老闆侍應都好nice好有禮貌，仲送左個好味布甸俾我同男朋友食🥰

今晚去咗藍田搵朋友食飯，朋友話有間燒味好出名一定要帶我去。去到發現有二人餐，覺得性價比再高啲，所以就毫無疑慮地揀咗。叉燒拼油雞套餐有個燒味拼盤，我哋揀咗叉燒拼油雞，叉燒外層帶有微焦香，肉質酥嫩多汁，好耐未試過食咁好味嘅叉燒！油雞皮脆香可口，肉質嫩滑清爽。藍田小炒皇整體炒得十分有鑊氣，唔同嘅食材放埋一齊有唔同層次嘅口感！調味恰當，不油膩不過鹹，用來餸飯好好味。菠蘿咕嚕肉咕嚕肉外層微焦香脆，內裡軟嫩多汁，酸甜適中，味道不錯。

放工想食小菜，就去咗藍田嘅大壹燒鵝，喺區內頗有名氣，七點入座都幾乎坐滿了。我哋叫咗超值二人套餐,包三款小菜，白飯，例湯。燒味雙拼 叉燒拼玫瑰豉油雞叉燒肥瘦均勻，肥而不膩，未到7:30已經沽清啦，手快有手慢冇。玫瑰豉油雞，餐廳俾咗脾位我，肉質鮮嫩，滑嘟嘟好好食。 馳名紅酒燴牛尾牛尾肉質鮮嫩，肉汁軟嫩入味，連埋雜菜一齊煮，索埋個汁，佐飯一流 瑤柱海味雜菜煲有瑤柱有蝦乾有魷魚，加上翠綠嘅雜菜，湯汁鮮甜唔油膩，好食又有營養。加$7仲可以要杯凍飲或加$5就可以要杯熱飲添。

大壹燒鵝 (啟田大廈)地址: 藍田啟田道51-67號啟田大廈地下1A, 2-4及6A號舖今日放工約咗阿女食晚飯，阿女推薦咗一間喺公司附近嘅茶餐廳，佢話嗰度嘅燒味好值得推薦。餐廳好大，環境光猛，坐得好舒服。我哋叫咗一個二人餐，食物種類多樣化，非常好。大一燒鵝超值二人餐 $298足料靚湯 首先，每人有一碗湯。今日供應嘅係木瓜煲豬骨，湯頭好清甜，好濃郁。木瓜同豬骨已經煲到好軟腍腍，好入味。玫瑰豉油雞和叉燒套餐仲有燒味可以揀，我哋食咗王牌豉油雞同叉燒。今日好好彩，廚師俾咗雞髀。豉油雞好入味，表面已經上晒色，內裏都鹹鹹地，夠晒味。雞件好滑，好Juicy，雞皮好爽口。叉燒望落已經好靚仔，表面燒到焦焦地地，佈滿蜜汁，肉質非常鬆化。椒鹽鮮魷小菜方面，我哋都揀咗兩款，第一款係椒鹽鮮魷。椒鹽鮮魷大大碟，食落好香口。咁呢炸得嚟炸粉好薄，特別酥脆，內裏先有新鮮，好爽口。燒汁薯仔牛柳粒第二款就叫咗薯仔牛柳粒。整碟菜口味甜甜地，食得出廚師有先將薯仔炸過，因為外邊好香脆，內裏薯仔好腍。牛柳粒份量多，非常軟腍。另外仲有唔少青椒作配菜。

$65頹飯，燒鵝炭燒雙拼飯，叉燒叫咗半肥瘦叉，出邊一層焦香，入邊好嫩，個燒鵝皮超級脆，跟住個肉多汁，個飯硬咗啲，跟住仲會有少少酸菜完全頹飯，如果想要菜嘅話呢要另外叫，加多$10可以有老火湯。個燒鵝皮超級好食。

平時放飯時間都會經過呢一間餐廳。每次都會畀佢嘅下午茶餐牌吸引咗。專買燒味。大逢大節都會見到一條長龍排隊買燒味，非常多人。48蚊連嘢飲，真係非常之抵，CP值極高！！！最好食嘅就係佢嘅大壹炒飯，將燒鵝切碎做一粒粒，再擺啲九層塔落去炒。非常之惹味。每次食下午茶都一定會叫大壹炒飯而且非常之出名，係附近打工仔嘅首選。而去其他嘅燒味都非常之出色，叉燒唔係用梅頭，而係好創新咁樣用咗五花腩位。食落油甘帶香，而且非常軟糯。

位於藍田啟田商場對面啟田有時租停車場 🅿️ 方便揸車嘅人士店內卡位闊落亦有大圓枱今日叫咗二人餐$298 餐牌上有好多小菜選擇👍🏽 二人餐無加一服務費 另外包咗二個飯，兩碗老火例湯，今日係飲西洋菜湯消暑降溫，幾好飲🔶蕃茄蛋炒牛肉酸酸甜甜好惹味送飯一流 🥳 蛋滑牛肉質地唔錯🔶啫啫雞煲配有豬潤，呢個菜第二次食超好食豬潤啱啱好，一啲都唔乾，雞就小咗d但二人用ok he 🔶紅酒燴牛尾 牛肉嫩滑 清甜 幾個餸食完唔會好口渴，

收工買外賣返屋企，見到評分好似唔錯，諗住試吓，點知瀨咗嘢啊！列牌叉燒，油雞外賣，食左兩舊叉燒無奈放棄了，未食過咁難食嘅！！！早知大家樂好過了！真是唔知d評分點來嘅！

好耐都無見住藍田既姨媽，探完佢之後一於試下附近既中式小菜，見外面咁多人排隊，一定唔會錯的！2人套餐足料老火湯（⭐⭐⭐⭐💢）而家食咩都咁貴，難得$300有找食到3餸1湯，真係好抵呀！老火湯十分足料，入面有雞腳、肉粒、瓜，經過多個鐘既老火烹調，所有湯料既味道都滲晒入個湯入面。除左十分清甜之外，一D都唔覺得有味精味，可見餐廳既用心製作。大壹叉燒皇拼玫瑰鼓油雞（⭐⭐⭐⭐⭐）燒味相信大家都一定食過，但好味既真係唔容易找到，但呢間餐廳既燒味就值得推薦！叉燒外面燒得十分香口，上菜時仲食到香脆既焦邊口感，但肉質卻完全唔鞋口，反而十分鬆軟，加上半肥瘦比例，食極唔停。至於油雞，十分多肉，唔會雞骨仲多過肉，雞肉亦都好嫩滑，配上豉油既特有香味，十分好食。燒汁薯仔牛柳粒（⭐⭐⭐⭐⭐）薯仔牛柳粒都係好多人既至愛，但好多時唔係只有十分少既牛柳，就係牛肉太咸又或者太乾。但餐廳就完全無呢個問題，一上碟已經見到好多牛柳，係食肉獸既福音！另外，肉質十分鬆軟，唔會鞋口，每啖都食到香濃牛味。另外要讚係餐廳既調味，好有中式港式既味道，鑊氣香氣爆棚！野菌娃娃菜魚湯浸魚肚（⭐⭐⭐⭐⭐）食左咁多肉，當然要食返D蔬菜平衡下啦，天氣咁乾燥

Chinese roasted goose ＆ Pork @Lam Tin藍田好味燒味小炒..My families and I went to a restaurant called "Kitchen One Roast Goose"（大壹燒鵝）located in Shop 1A, 2-4 & 6A, G/F, Kai Tin Tower, 51-67 Kai Tin Road, Lam Tin藍田啟田道51-67號啟田大廈地下1A, 2-4及6A號舖..This restaurant is specialized in roasted goose and Chinese BBQ.....Kitchen One Roast Goose Rice Double Combo大壹雙拼燒鵝飯HKD$68soy sauce chicken pairing with roasted goose.there are also BBQ pork, sliced pork knuckle,crispy skin pork to choose from.customers can mix and ma