Video
Opening Hours
Today
11:00 - 22:00
Mon - Sun
11:00 - 22:00
Above information is for reference only. Please check details with the restaurant.
藍田附近應該都好多選擇， 心思思想試下食燒味。遇上繁忙午餐時間，燒鵝遲少少去都已經賣曬，份量足夠，唔算太肥，調味啱好，想一嚐燒味會推介！白飯可以轉粉面，份量都足夠。
continue reading
街坊生意，價錢合理，份量亦大份。呢到已經成為飯堂之一，家人好鍾意係到食或外賣，其中福建炒飯係絕對同出面有名嘅酒樓有得比。唯一感到失望係收銀帶眼鏡姐姐手腳唔乾淨，一年同家人總有幫襯一百幾十次我冇誇張，呢位姐姐有一兩成時間收錢會找少錢畀你，之前家人有講過，但我冇特別為意，以為純粹擺烏龍；直至今晚我100%肯定佢係故意，左手先找少錢畀你，當我發現少咗20蚊，佢隨即半秒內右手比返出嚟，手勢好純熟，冇可能係誤會，我覺得咁樣做好唔老實，亦會影響整間餐廳嘅信譽。
continue reading
我男朋友係藍田街坊帶我嚟食，佢話佢成日都嚟食燒鵝，叫我一定要試😂餐廳好大有兩層，環境光猛，坐得好舒服。叫左4樣餸加個湯，個湯好飲唔似係味精湯，啲燒鴨燒得好好食皮脆肉嫩，連我唔係食肉獸都忍唔住食好多😝😝個銀魚仔浸時蔬又係好好食，銀魚加個菜都好夾，仲叫左條鼓汁蒸倉魚，條魚好新鮮完全唔腥熱辣辣咁出，同啲汁都好夾，以平民價食左個高質晚餐😋會再嚟幫襯☺️老闆侍應都好nice好有禮貌，仲送左個好味布甸俾我同男朋友食🥰
continue reading
今晚去咗藍田搵朋友食飯，朋友話有間燒味好出名一定要帶我去。去到發現有二人餐，覺得性價比再高啲，所以就毫無疑慮地揀咗。叉燒拼油雞套餐有個燒味拼盤，我哋揀咗叉燒拼油雞，叉燒外層帶有微焦香，肉質酥嫩多汁，好耐未試過食咁好味嘅叉燒！油雞皮脆香可口，肉質嫩滑清爽。藍田小炒皇整體炒得十分有鑊氣，唔同嘅食材放埋一齊有唔同層次嘅口感！調味恰當，不油膩不過鹹，用來餸飯好好味。菠蘿咕嚕肉咕嚕肉外層微焦香脆，內裡軟嫩多汁，酸甜適中，味道不錯。
continue reading
放工想食小菜，就去咗藍田嘅大壹燒鵝，喺區內頗有名氣，七點入座都幾乎坐滿了。我哋叫咗超值二人套餐,包三款小菜，白飯，例湯。燒味雙拼 叉燒拼玫瑰豉油雞叉燒肥瘦均勻，肥而不膩，未到7:30已經沽清啦，手快有手慢冇。玫瑰豉油雞，餐廳俾咗脾位我，肉質鮮嫩，滑嘟嘟好好食。 馳名紅酒燴牛尾牛尾肉質鮮嫩，肉汁軟嫩入味，連埋雜菜一齊煮，索埋個汁，佐飯一流 瑤柱海味雜菜煲有瑤柱有蝦乾有魷魚，加上翠綠嘅雜菜，湯汁鮮甜唔油膩，好食又有營養。加$7仲可以要杯凍飲或加$5就可以要杯熱飲添。
continue reading