Video
Read full review
2023-11-23
12 views
我係一個熱血青年，捐血同維修員攞住士巴拿一樣係好合理既事。今日俾我搵到除咗定期捐血以外，發洩我一腔熱血嘅方法。飲蔗汁。其實一早知道蔗汁生津潤燥，助脾健胃，解熱一流，不過坊間好多果汁店，都係加水，所以唔喺咁正宗。 🍺睇開個中醫某日突然介紹我話係肥姐小食隔離呢間係正嘢，咁我就嚟左叫左杯蔗杯美式。咁我本身又一個咖啡從業員，正常喺唔會鼓勵人飲咖啡加糖，因為糖喺加工過，非常之甜，亦都好容易蓋過咖啡本身帶出嘅風味。但係我就唔抗拒用天然既果汁拼配去帶出咖啡嘅味道。因為好既咖啡本身都會帶有果酸，果然兩者做到相得益彰既功用。兩者並無互相蓋過對方，咖啡味比較濃，蔗汁味比較清甜，但又同時飲到兩個層次。 🍺捐血都算做好事，所以幸運嘅事情就發生啦。哩度仲有買野飲杯套上面有抽獎，我中左免費飲多杯，就叫左蔗杯葡萄。佢用手打嘅形式打爛哂啲葡萄再加入蔗汁，清甜得黎又有口感。而且葡萄含有鐵質，最岩捐血後立刻補充。 喺等待嘅過程中同老闆傾談，原來佢每一日都係買新鮮連皮嘅蔗，自己洗自己剝皮，而且每一杯都係原汁原味並無加工。我問佢咁咪好辛苦，佢嘅回答都好熱血，佢話如果可以賺到錢，開多幾間，咪可以買部機去處理d蔗。就憑佢呢句，我
🍺睇開個中醫某日突然介紹我話係肥姐小食隔離呢間係正嘢，咁我就嚟左叫左杯蔗杯美式。咁我本身又一個咖啡從業員，正常喺唔會鼓勵人飲咖啡加糖，因為糖喺加工過，非常之甜，亦都好容易蓋過咖啡本身帶出嘅風味。但係我就唔抗拒用天然既果汁拼配去帶出咖啡嘅味道。因為好既咖啡本身都會帶有果酸，果然兩者做到相得益彰既功用。兩者並無互相蓋過對方，咖啡味比較濃，蔗汁味比較清甜，但又同時飲到兩個層次。
🍺捐血都算做好事，所以幸運嘅事情就發生啦。哩度仲有買野飲杯套上面有抽獎，我中左免費飲多杯，就叫左蔗杯葡萄。佢用手打嘅形式打爛哂啲葡萄再加入蔗汁，清甜得黎又有口感。而且葡萄含有鐵質，最岩捐血後立刻補充。
喺等待嘅過程中同老闆傾談，原來佢每一日都係買新鮮連皮嘅蔗，自己洗自己剝皮，而且每一杯都係原汁原味並無加工。我問佢咁咪好辛苦，佢嘅回答都好熱血，佢話如果可以賺到錢，開多幾間，咪可以買部機去處理d蔗。就憑佢呢句，我一於撑佢撑到開分店!
Post
