屯の大阪章魚燒 (Closed)

最近屯の大阪章魚燒比開業時多添左2個章魚燒爐，所以lunch唔使點排隊買到。不過轉左爐，章魚燒變得迷你左，由以往4粒變成可以買6粒或者10粒。今次試下朋友力推既激多蔥章魚燒，睇下係咪真係咁好味。碧綠如茵既蔥花灑係章魚燒上，尤如自成一格既大草原，唔講真係唔知啲蔥係老闆親自去日本採購呢。章魚燒表層酥脆，內裡粉漿依舊軟滑，平日較重口味晚章魚燒配上木魚絲及蔥花竟然超級match，頓然清新感不斷湧出，蔥花非常鮮美，果然朋友冇推介錯。微辛且少少鹹香既脆卜卜明太子章魚燒每次都必叫，章魚燒變得迷你既好處就係比我一口鯨吞，哈哈。