Video
Read full review
2023-10-10
183 views
哩間奇趣燒鵝經過無數次，但一次都無幫襯過，最主要原因係，餐廳店門大開，香港地天氣熱而且熱天時間長，所以估計餐廳冷氣都唔會強得去邊! 去D冷氣夠凍餐廳好過啦! 免得攞苦嚟受.今次因為去弼街訂咗兩條云石條，攞住佢又重又危險，快快脆搵間餐廳食完飯就快快打的歸家，見到奇趣燒鵝有位，時過中秋天頭又唔熱，於是入內幫襯.每次入去燒味店，打開份Menu，好多嘢都想食，女友小熊叫住我唔好眼闊肚窄! 減肥呀!哦.... 知道......於是我點咗個乳豬飯加鹹蛋多色，小熊點肥叉油雞飯多色前菜海蜇.優點:1, 總覺得食到好味乳豬要靠運氣，燒味店又唔會燒定太多，因為放得耐皮唔脆，但燒得唔多又易沽清無貨，買都又未必皮脆，今次點乳豬飯，皮脆肉嫩，點上甜醬更惹味! 滿意!2, 時下不少餐廳，包括大家樂，D油雞白切雞係無肉! 得皮同骨! 偷工減料得過份! 有D俾隻雞翼當油雞，果D燒味店必負評! 眼前嘅油雞，肉嫩又皮滑又足料! 掂!缺點:1, 餐廳細細卡位唔多，坐得迫迫夾夾唔太舒服.2, 叫鹹蛋又無落單，睇睇張單又真係無咗鹹蛋，漏咗落單啦!3, 女友小熊指明要肥叉，張單都打明落肥叉，點知上枱係瘦叉! 以為佢地只有瘦叉咩，
今次因為去弼街訂咗兩條云石條，攞住佢又重又危險，快快脆搵間餐廳食完飯就快快打的歸家，見到奇趣燒鵝有位，時過中秋天頭又唔熱，於是入內幫襯.
每次入去燒味店，打開份Menu，好多嘢都想食，女友小熊叫住我唔好眼闊肚窄! 減肥呀!
哦.... 知道......
於是我點咗個乳豬飯加鹹蛋多色，小熊點肥叉油雞飯多色前菜海蜇.
優點:
1, 總覺得食到好味乳豬要靠運氣，燒味店又唔會燒定太多，因為放得耐皮唔脆，但燒得唔多又易沽清無貨，買都又未必皮脆，今次點乳豬飯，皮脆肉嫩，點上甜醬更惹味! 滿意!
2, 時下不少餐廳，包括大家樂，D油雞白切雞係無肉! 得皮同骨! 偷工減料得過份! 有D俾隻雞翼當油雞，果D燒味店必負評! 眼前嘅油雞，肉嫩又皮滑又足料! 掂!
缺點:
1, 餐廳細細卡位唔多，坐得迫迫夾夾唔太舒服.
2, 叫鹹蛋又無落單，睇睇張單又真係無咗鹹蛋，漏咗落單啦!
3, 女友小熊指明要肥叉，張單都打明落肥叉，點知上枱係瘦叉! 以為佢地只有瘦叉咩，後上嘅單叉燒仲肥過我地，即時同樓面反映，樓面同廚房講，廚房就愛理不理! 咁嘅服務點俾好評?
4, 我大愛嘅蔥蓉，味道過鹹! 漏單我接受，肥叉變瘦叉都算，但大大大愛蔥蓉竟然小小份量都大鹹就接受唔到!
5, 小熊碟飯平過我，飯就多過我! 俾貴D食少D咩道理?
6, 前菜海蜇味道居然係甜，係甜到好似甜品咁甜！叉燒都無佢咁甜！ 接受唔到囉！
我嘅蔥蓉又唔掂，連我都唔敢得罪嘅女友小熊居然都被激嬲！馬上打入永不幫襯名單中！
Post
