蔦 (Closed)

中午可以過海食下飯，係我係呢間公司最大既福利。由地鐵站去到海港城咪話唔遠，食呢間連名都唔知點讀既拉麵。網上有好多評論都話唔係咁好食，我又唔覺得真係咁唔好食。同友人叫左兩款拉麵，都唔係招牌。首先個湯係真係幾好飲，唔係普通係 food court 食既味精野。之後，材料係新鮮既，有栗米、洋蔥、蒜片、木耳絲、生菜同好多舊雞。平心而論，俾出來既材料係多同足夠。友人仲食唔曬添。我自己叫左個辣既，可能口味唔同，我依家唔係好鍾意食得好辣，因為辣得太過分會蓋住本身食物既鮮味。Anyways，食拉麵都係個湯底同 d 麵，我覺得麵質 ok，湯底唔錯，基本上係好食。價錢係有 d 貴，但係都係果句，唔係唔好食 lor！