特餐‧番茄湯專門店

Open Now

Now Closed

最近新開的蕃茄湯專門店，風評不錯，揾日lunch time去試左。午餐大概是蕃茄炒意粉之類，覺得不太吸引，反而常餐就有蕃茄湯底的粉麵揀，咁就要常餐試試先。餐飲要了熱檸茶，好快到，又苦又澀完全唔掂，好失望喎。要了雜腸螺絲粉蕃茄湯，腸片有三片，超薄切，食唔出味。螺絲粉有咬口，無煮得過淋，唔錯。招牌嘅蕃茄湯果然無失望，鮮甜茄味濃，成碗粉嘅精髓所在，飲哂啲湯咁濟呀。另可配炒蛋煎蛋等，多士或沙律。是日沙律賣哂，只能揀多士，再要左蘑菇炒蛋。唔知係咪無哂麵包，等左成半個鐘都無得食，吹左幾次都話等等。見到有麵包公司送包，我估都無錯啦。終於有得食，熱辣辣新鮮烤嘅包，牛油滆哂正喎。炒蛋好滑，雖然係罐頭蘑菇，但份量都唔少，抵食。係杯餐飲差啲，野食唔錯，不過啲位又迫又熱，都係冬天先黎會好啲。