特餐‧番茄湯專門店

Open Now

Now Closed

一早嚟到聯和墟，見呢間餐廳靜靜地冇乜人，就入去試吓。見到餐牌嘅早餐，同平時去開嘅茶餐廳有少少特別。湯粉早餐 $37豬扒生菜螺絲粉，南瓜番茄湯南瓜番茄湯底好濃唔錯，最後我都飲埋啲湯；豬扒都夠腍，生菜同螺絲粉就正正常常啦。沙律早餐 $40招牌沙律+吉列魚柳 先講個沙律，有什果、蛋、薯仔沙律，沙律都幾好味。至於吉列魚柳完全唔得，塊皮好淋，好似放咗入微波爐翻叮過咁，魚柳仲有浸雪味，魚柳就完全唔推薦。總結：南瓜蕃茄湯底、沙律係唔錯嘅。

今日趁放假同屋企人一齊食晏，近近地想落聯和墟試吓呢間主打蕃茄嘅餐廳，本身自己都好鍾意食蕃茄，所以即刻叫返個常餐！套餐包左一碗蕃茄湯底嘅司華力腸湯螺絲粉，上台即刻飲一啖湯，蕃茄味好濃郁！配搭螺絲粉一齊食好正！另外仲有一個洋蔥蘑菇奄列！洋蔥炒到夠林入口清甜！正另外仲叫咗一個黑椒豬扒意粉，黑椒汁調教得啱啱好，唔會過辣夠惹味！意粉軟硬度另外仲叫咗一個茄汁會餐肉意粉，蕃茄汁酸酸甜甜，最重要夠多汁撈埋意粉一齊食..好開胃！

第一次喺粉嶺搵食，試咗特餐蕃茄湯專門店，價錢唔係特別平。叫咗日式黃金炸豬扒大碗飯，飯好大份，豬扒都係大大舊，醬汁有啲苦，豬扒都炸唔透都唔係好淋，勝在夠飽肚。米線一樣大份，蕃茄湯的確好濃，好好味，$41一個餐好抵食。

今日行完山勁累，去到粉嶺吾知食咩好，最後幾個人行行下見到蕃茄專門店就入左去試下。下午茶時段吾多人。只有2桌客人，而我地5個人都食下午茶餐。最後四個朋友都滿意這間餐廳，因價錢全都係三十多元，偍分量夠同飲品大杯，野食味道剛好。而朋友叫的炸豬扒都吾油同厚肉。而我叫了一個南瓜蕃茄湯豬扒炒蛋意粉和凍檸茶都係$32,抵食！！南瓜蕃茄湯豬扒炒蛋意粉$32：蕃茄南瓜再加上意大利香草，每日新鮮整成湯。豬扒大塊又厚肉香口，炒蛋炒得過熟左少少，但還可接受。最後南瓜蕃茄湯係飲晒。

上次黎食係冬天，但已經覺得室內好焗，今次夏天黎，嘩，真心熱呀！食到出哂汗，仲要因為好多人等位，啲阿姐係咁吹人食快啲，食得又趕又辛苦。雖然係咁，但啲野又真係幾好味，平凡得黎啱口味。蕃茄湯底依然出色，濃濃嘅蕃茄味，鮮甜，飲哂都唔口渴。螺絲粉有咬口無過淋，成碗連湯食哂。蘑菇炒蛋夠滑又唔係好油，好多蘑菇同個蛋好大份，應該有兩隻蛋嘅份量。厚多士剛烤起，奶醬唔吝嗇，塗得滿滿的，好味好味。熱檸茶，真心唔掂，好難飲，又苦又澀。又加價……

其實我平時返工都係帶飯多，但近期公司內部突然興起「蕃茄熱」，打聽之下原來係以前開農場餐廳既舖頭轉左手變左而家既「蕃茄湯專門店」。搵日冇帶飯就同朋友一齊去試（其實我個人都幾中意食蕃茄）佢個特餐（聽講抵食夾大件又唔算貴）我叫左火腿+菠蘿炒蛋併厚多士，煙肉螺絲粉配蕃茄湯底以我對蕃茄既喜愛程度，佢個湯底都幾足料⋯有好多蕃茄之餘原來仲有落薯仔同紅蘿蔔，所以個湯幾甜，搞到我連啲湯都清曬反而佢個厚多士幾得（烘底+多醬既奶醬厚多士），好食過炒蛋另外其實佢有附送餐飲, 我叫左杯熱檸茶, 但味道麻麻, 落左兩匙糖都仲係好苦澀火腿+菠蘿炒蛋併厚多士至於個菠蘿火腿炒蛋就⋯麻麻地，個蛋炒得好油，唔夠乾身，入口好似食左啖豬油入口咁，no good no good 煙肉螺絲粉配蕃茄湯底

又喺黎粉嶺覓食嘅時間呢份特餐嘅份量真係好巨大 豬仔自認大食都食淨咗半份奄列而且好多款配料可以自選...奶醬厚多+ 磨菇洋蔥奄列+豬扒蕃茄湯螺絲粉一定有一樣岩心水 蕃茄湯底材料豐富，味道濃郁豬扒夠大塊，炭火燒過更添惹味不過奄列個蛋皮太厚同熟得滯 但以呢個價錢黎講好抵食，如果將軍澳區都有呢啲大件夾抵食嘅餐廳就好了 

粉嶺～聯和墟其實有好多不錯的餐廳，今次我地去食lunch試咗係-聯昌街街尾有間叫「特餐。蕃茄湯專門店🍅」餐廳，位置係群記豬手再行前少少（馬會隔離）。招牌好直接～蕃。茄。湯🍅！！平時我也喜歡蕃茄湯底，E度主打係蕃茄湯底，當然一定要試下啦！其實佢裝潢係西式餐廳格局，環境舒服，不錯！其實佢重多款其他野食，見到午餐有個叫芥末汁豬扒都好想試！但都係比較想試下個蕃茄湯底先，於是揀咗～特餐$36（凍飲+$2）！特餐menu配料勁多！（見特餐menu圖）：我自選揀咗：🔸奶醬厚多士（因招牌沙律已賣曬了！失望😣）🔸配  雞肉菠蘿配炒蛋（可改奄列）🔸雞翼配南瓜蕃茄湯螺絲粉（可另選秘制胡椒豬骨湯）🔸凍檸茶<<<<<<<<<<<<<<<<🔸>>>>>>>>>>>>>>>🍲 「雞翼配南瓜蕃茄湯螺絲粉🍅」，先講下南瓜蕃茄湯味道～～佢不會好似出面一般餐廳，蕃茄湯底好多時比較

最近新開的蕃茄湯專門店，風評不錯，揾日lunch time去試左。午餐大概是蕃茄炒意粉之類，覺得不太吸引，反而常餐就有蕃茄湯底的粉麵揀，咁就要常餐試試先。餐飲要了熱檸茶，好快到，又苦又澀完全唔掂，好失望喎。要了雜腸螺絲粉蕃茄湯，腸片有三片，超薄切，食唔出味。螺絲粉有咬口，無煮得過淋，唔錯。招牌嘅蕃茄湯果然無失望，鮮甜茄味濃，成碗粉嘅精髓所在，飲哂啲湯咁濟呀。另可配炒蛋煎蛋等，多士或沙律。是日沙律賣哂，只能揀多士，再要左蘑菇炒蛋。唔知係咪無哂麵包，等左成半個鐘都無得食，吹左幾次都話等等。見到有麵包公司送包，我估都無錯啦。終於有得食，熱辣辣新鮮烤嘅包，牛油滆哂正喎。炒蛋好滑，雖然係罐頭蘑菇，但份量都唔少，抵食。係杯餐飲差啲，野食唔錯，不過啲位又迫又熱，都係冬天先黎會好啲。