番茄師兄

Open Now

Now Closed

第一次黎食，平時據聞lunch time要等位。今日星期六下午2pm黎就毋須等位，大概6成座位滿。自助QR code落單好方便，可以自選湯麵，自由配搭，最like嘅係唔想要麵可以揀菜底。選了腐皮墨魚蝦條，加炒滑蛋，菜底。飲品選了桂圓紅棗桑寄生茶。5分鐘後就送到，湯底感覺真係好濃，同出面嘅蕃茄湯底真係唔同，炒滑蛋都真係好滑，菜底亦都好多生菜。腐皮墨魚蝦條食到有蝦味，好適合不喜歡吃肉嘅朋友。食到一半放了幾滴佢地嘅麻辣油，即刻好似升左個層次，好夾。最後飲晒成碗湯，雖然叫菜底但食完都好夠飽。桑寄生茶亦值得一讚，感覺無另加糖，好好飲。會再黎的。