蕉葉亞洲美食坊 (Closed)

星期日係休息日，乜都唔想做唔想煮嘢嚟食，咁就出街食個假日午餐.兩個人叫左4樣嘢-鹹魚炒什菜，生菜包，海南雞飯，青咖哩鱸魚配薄餅。鹹魚炒什菜，鹹魚落得夠多香味十足，什菜份量亦唔少，健康得來夠晒惹味。生菜包豬肉碎內香葉加得足夠，叫左加辣，配合埋生菜嚟食就非常刺激。海南雞飯既雞肉夠鮮嫩，油飯都做得唔錯充滿雞油既香味，醬料有黑豉油，感覺正宗。最後既青咖哩鱸魚，青咖哩過咸，雖則用來點薄餅都感覺太咸，下次都唔會再叫咖哩嚟食。