Video
Read full review
2014-10-14
635 views
平時想食薑絲牛麵, 多數係老公外賣回家, 今天剛剛去完大埔墟街巿, 又到LUNCH時間, 醒起薑絲牛麵就在附近, 好想食呀, 就衝去排隊, 好似好多人排, 但都係排左15分鐘, 店內環境相當擠逼, 搭枱係必然架喇, 店中間既几張圓枱, 一定係背貼背咁坐, 不過大家都想食好野, 唔緊要, 將將就就啦! 即刻黎個薑絲牛肉麵, 炒蛋多士 + 凍奶茶厚多士香脆, 呢度廚房搽牛油唔手緊, 食多士緊係要多牛油啦! 我鍾意一塊灑上砂糖食, 一塊夾炒滑蛋, 又有2款口味喇! 正! 炒蛋質地夠滑, 但欠缺蛋味, 不過夾多士食, 外脆內軟, 仍是十分滋味. 一般茶記都只有沙爹牛, 呢度有薑絲牛, 成日都心思思想食, 香濃既薑絲加上牛肉, 令人食慾大增, 每次都忍唔住要飲几啖湯... 如果第時呢度有埋薑絲豬潤麵, 咁就無敵喇! 平時我會ORDER 茶走, 但今日實在太熱, 同埋坐近廚房, 真係熱到抽筋, 叫左凍奶茶, 但味道平平, 只求解熱. 下次寧願等多陣, 坐遠少少廚房喇!
即刻黎個薑絲牛肉麵, 炒蛋多士 + 凍奶茶
厚多士香脆, 呢度廚房搽牛油唔手緊, 食多士緊係要多牛油啦! 我鍾意一塊灑上砂糖食, 一塊夾炒滑蛋, 又有2款口味喇! 正!
炒蛋質地夠滑, 但欠缺蛋味, 不過夾多士食, 外脆內軟, 仍是十分滋味.
一般茶記都只有沙爹牛, 呢度有薑絲牛, 成日都心思思想食, 香濃既薑絲加上牛肉, 令人食慾大增, 每次都忍唔住要飲几啖湯... 如果第時呢度有埋薑絲豬潤麵, 咁就無敵喇!
平時我會ORDER 茶走, 但今日實在太熱, 同埋坐近廚房, 真係熱到抽筋, 叫左凍奶茶, 但味道平平, 只求解熱.
下次寧願等多陣, 坐遠少少廚房喇!
Post
