福記餃子雲吞麵 (Closed)

尋日去深水埗大埔道及界限街交界上烹飪班，路經這間「福記餃子雲吞麵店」，買咗生的薺菜鮮肉小雲吞 一客28粒（$28）及兩個手製幼的上海麵（$15兩個麵，今晚只是用了一個麵）。頭先用史雲生清雞湯溝一半水煮了一個熱湯，煮小雲吞前有啲黐埋，所以倒左啲麵粉落去拋下拋下令到佢哋分開，跟住灼熟放湯，另外灼熟上海麵（幼的），真係好好食！薺菜有一種獨特的香味，溝埋少少豬肉及調味料造成餡料非常之鮮味及有特色，啲上海麵彈牙又唔糊口，唔使過冷河！過幾日再去上烹飪班的時候買別的款式餃子試！