福記餃子雲吞麵 (Closed)

門外看到餐牌有肉，冇留意是主打薺菜餃，叫了一碗韭菜餃子米及凍豆漿。湯偏淡，米粉煮得不錯，現在很多店舖都唔識煮米粉，尤其茶餐廳，不知道應將米粉先浸透後才輕輕一淥，韭菜餃不太熱，冇乜肉，但有新鮮韭菜的香味，這是急凍餃子做不到的。豆漿少甜剛剛好。

平時好少經過大埔道，有朋友介紹話呢間啲餃子好好味，價錢也合理，所以我親身光顧下。薺菜鮮肉大餛飩 (8隻) $38下午茶唔想食咁飽，食碗湯雲吞就啱啱好。我試咗佢個薺菜鮮肉大餛飩，呢個係佢哋舖頭嘅招牌菜，雲吞夠大粒的，內裏菜和豬肉的比例係1:1，無落味精又夠菜味，食完唔會覺得好肥膩；清湯底有芫荽、蔥和紫菜，唔鹹的，想嘗試健康飲食的也可以一試。餐廳環境就一般，偶爾會發現有蒼蠅，但食物味道完全冇問題。

要餃子冇餃子要雞翼冇雞翼要河炒冇河炒口，轉米線俾左麵 隔離幾張枱仲要瘋狂漏單下午1點鐘未準備好唔好開檔啦成間舖得兩條友，前枱不停要同人道歉有半張menu係冇既！！

因為阿妹既推介就同朋友黎左試下呢度既餃子,入到黎鋪頭既感覺都係夠光猛,感覺乾淨衛生既,店員唔多,樓面收銀加廚房估計唔超過四個人,算係小本經營既鋪頭仔如果有食開餃子既朋友仔應該會知香港唔係好多地方有得食薺菜餃,我地一人叫左一碗湯餃,因為怕唔夠飽既關係,其中一碗仲加左麵底,再叫多左兩杯豆漿,結果係飽到阿媽都唔認得既個餃子好食,湯底夠清,而除左薺菜餃之外,我十分欣賞佢杯豆漿,好香豆味,直頭係好飲到想叫多杯嗰隻,鍾意食餃子既朋友可以黎一試呀,推薦

其實呢間餃子店係行過覺得有啲噏揼有一次係朋友介紹話不如我哋食餃子🥟因為我個朋友住喺深水埗附近所以成日都會食呢間餃子🥟我本身都抱住一個冇乜信心嘅心態 陪佢食 點知好好味 齊菜餃真係好好味韭菜餃都好好味！ 煎餃子都唔錯不過我就唔係太建議你哋食餃子加面底，因為個湯呢唔係好鹹如果你加面底嘅話呢會顯得個面唔夠味因為一睇就知道唔係大集團係普通嘅家庭開去親呢間餃子店都見到個老闆坐咗喺度又有一張枱係有個職員坐喺度包餃子🥟座位唔算好多，但係都有五六張枱冷氣充足而且夠光猛 ，衛生環境都唔錯自從食過第一次之後我就不停帶唔同嘅朋友同埋屋企人去食仲要次次食完都會買幾打返屋企🤩🤩之前一開始買兩打 ，之後開始買四打，說喺雪櫃跟住滾水落5分鐘左右 ，6分鐘，加埋餐廳比我嘅湯，冇得頂

經過想食就入去買兩打生餃子打算返屋企煮俾自己同小朋友食，俾完錢等佢攞出來，見到舖面有個女人坐係角落包餃子，所有材料無野蓋住，個女人有戴口罩....但係，佢不斷用對手㩒手機，跟住直接用佢㩒完電話的手拎起餃子皮包餃子，過幾秒又㩒兩㩒，直接又繼續包....點解可以咁無衛生意識，知唔知手機表面細菌可以多過廁所板？有客係鋪頭都咁核突...我攞住兩打餃子行返屋企，真係覺得好嘔心，而家放左係雪櫃都唔知食唔食好....

平時都喜歡幫襯小店，今次就去左依間唔太起眼嘅餃子店，試左白菜豬肉煎餃子，賣相非常吸引，煎到金黃色，餃子皮唔會太厚，餡多飽滿，豬肉調味適中，食落充滿肉汁，一碟8隻，都只係$33，值得一試呀!

第八次寫食評福記，黎過幾次，多數係叫餃子，但今次試下新野，叫了一碗“香菇鮮肉小雲吞麵“，再加一碟“白灼生菜“。香菇鮮肉小雲吞麵：雲吞真係細細隻，但有7粒，皮薄菇香，麵亦夠爽口。生菜：15蚊，份量算足。多謝您：50蚊

今日放假出街買行山用品，走了去太子的花園街逛下，買齊東西後又來四周覓食，行到近深水埗的界限街，經過有間新開的餃子雲吞麵食，位於深水埗大埔道14-16號華都大廈地下4-8號鋪，地方不是好大，約廿幾個位，每枱都有點菜紙給客人點餐。食物分類有招牌的「小雲吞」、「煎餃子」、「湯餃子」、「雲吞麵」、「上海大餛飩」、。「餃子麵」、「炸小雲吞」、「特色麵類」及。「飲品」。都中都設有生熟餃子及雲吞賣、如有打包盒另加$1充滿好奇又想試多些新的食物，我決定選擇了一碗淨水餃。它是「全家福湯餃子」可以選擇8隻($35)或10隻($39)，而我選擇了10隻的不同口味的豬肉餃子，當中有韮菜、白菜、鮮菇、粟米、薺菜，餃子都幾大隻，餡多飽滿，可惜豬肉餡不太鮮香，而且調味方面有少少偏鹹，餃皮有少許硬身，整體方面評分都真是一般。飲品再選擇了一杯熱豆漿($9), 是店中自家制，勝在不會太甜，可是豆香及味道晤算好濃郁。衛生方面店方真是要留意，因為蒼蠅仔飛來飛去，環境地方燈光都足，整體食物價錢都不會太貴

尋日去深水埗大埔道及界限街交界上烹飪班，路經這間「福記餃子雲吞麵店」，買咗生的薺菜鮮肉小雲吞 一客28粒（$28）及兩個手製幼的上海麵（$15兩個麵，今晚只是用了一個麵）。頭先用史雲生清雞湯溝一半水煮了一個熱湯，煮小雲吞前有啲黐埋，所以倒左啲麵粉落去拋下拋下令到佢哋分開，跟住灼熟放湯，另外灼熟上海麵（幼的），真係好好食！薺菜有一種獨特的香味，溝埋少少豬肉及調味料造成餡料非常之鮮味及有特色，啲上海麵彈牙又唔糊口，唔使過冷河！過幾日再去上烹飪班的時候買別的款式餃子試！

這間店是最近在太子開分店，因為從未試過，就來試試。我叫了一碗招牌鮮肉小雲吞、有15隻，28元，外賣加多1元。坦白講，小雲吞沒什麼特色，不過是雲吞皮是薄和滑，餡料就一般啦，吃不出甚麼鮮味！最差是湯，竟然好似清水咁清，只是有些蔥花和一條清菜調味，所以個湯我一點也沒有喝！

原本今日去另一間食店，但行到這食店門口，被餃子吸引了，而且新開店無耐，所以走了入去。看看餐牌，都好多選擇，就點了鮮肉小雲吞麵，有8粒雲吞，麵底夠彈牙👍🏻另外好想食煎餃，所以點了韭菜煎餃，味道不錯，都juicy😋下午茶時段仲送杯豆漿😋