紅館

餐廳有3個價位既2人套餐，6道菜，做緊54折優惠，分別有$699/$899/$1588。每道菜份量都足夠。⭐️六道菜晚市二人套餐 $699✿巴馬火腿蜜瓜沙律🥗有火箭菜🥬、蕃茄仔🍅、蜜瓜🍈、巴馬火腿🥓。巴馬火腿兩大片，口感柔軟，味道油潤鹹香。蜜瓜口感爽脆，味道較淡。✿蘑菇湯🍄‍🟫用簡單手法呈現蘑菇湯，入口充滿住濃郁既菇味。湯既質地亦唔稀，有d細碎既菇粒，整體口感唔錯。✿低溫慢煮雞胸冬陰功醬扁意粉🍝扁意粉煮成Al Dente ，口感彈牙，亦好掛汁。雞胸肉質幾滑，配料有菠菜同蕃茄仔。醬汁既冬陰公味濃郁但唔辣，好味!✿紅館薑母鴨🐦估唔到係成隻鴨腿，外皮幾香口，肉質厚而結實但唔柴，有淡淡既藥材味。配埋甜甜地既杏桃橙醬，鹹甜鹹甜幾好味。墊底既羅馬生菜新鮮，索左鴨油多份油香。✿芒果拿破崙🥭 & 鮮果芝士撻🥧芒果拿破崙既酥皮較稔，夾住吉士醬同成塊芒果，芒果幾甜。鮮果芝士撻係提子撻，芝士醬呈流心狀態，芝士味香濃，有驚喜。✿咖啡或茶可以揀水果茶🍹味道唔會好甜同濃味，岩晒食飽之後清清味蕾解解膩。