壹匯中菜廳 (馬鞍山廣場)

Open Now

Now Closed

當日2人晚飯，叫左個孖寶(蒸魚+燒鵝)，加多碟花甲王煮勝瓜，燒鵝同勝瓜都好快上菜，惟獨蒸魚無上，到有個侍應問我地d野食黎齊未，想幫我地執檯，我話蒸魚未黎幫我追追，佢就無反應行開左亦見到佢無去check單只係行行企企，惟有叫另一個侍應追條魚，佢有覆番等多一分鐘.....之後10分鐘都無影，剩係等條魚都等左45分鐘，再追先走過黎話條魚大要蒸30分鐘，條魚幾多斤重要蒸30分鐘呀!!?? 再問係咪漏單，又唔認係漏單...!!! 之後藍色恤衫經理推條魚過黎，唔好意思都無句，一味話條魚大要蒸30分鐘，前前後後追左4次講埋d廢話，真係嬲到爆粗，仲越叫越走，我地無食條魚，照出去埋單，之後問佢叫咩名要投訴佢態度惡劣，問佢拎公司電話又話比佢大佬電話我地，我地要你公司電話唔係唔知邊個既手機號碼呀...，跟住又話當退單唔收錢，我地埋左單啦唔係要你退錢，係要投訴你呀，成間酒樓真係不知所謂。