豐鮪

Open Now

Now Closed

一間只專心做一樣食材嘅鋪頭，除左大拖，中拖，赤身，仲有稀有部位，係真真正正嘅藍鰭吞拿魚專門店。係香港食吞拿魚通常都有啲啲血腥味，尤其是赤身。但呢度令我對赤身改觀，原來可以咁鮮，魚味咁濃。當然中拖，大拖都非常好食。🍣魚生燒賣--極上拖羅配柚子 中式做法，日式餡料，好有創意。外皮包住飯底魚生蓉，有啲柚子清香，面頭有油脂豐富嘅腩位😋。🍣魚生燒賣--珍寶甜蝦 大大隻甜蝦，好睇又好食。🍣夢之丼 一次過食到大拖，中拖，赤身同魚蓉。我鐘意由淡至濃味食，雪花紋大拖入口鬆化，粉紅中拖魚味鮮，紅色赤身魚味濃又唔漏，估唔到最驚喜係赤身。🍣吞拿魚定食--帶子肉餅飯 見到肉餅飯有啲疑惑，唔通係蒸豬肉餅🤔，睇真啲原來係吞拿魚肉餅😆。帶子鮮，魚蓉滑，唔錯。🔺定食有麵豉湯，沙律，茶碗蒸。茶碗蒸面頭有蟹膏，好奢侈😍。