Van Gogh SENSES (Closed)

環境一流的Van Gogh Senses，系燭光晚餐最好的選擇之一，夜色降臨之後，玻璃屋外型的餐廳就好像一隻水晶音樂盒，內有乾坤，點點星燈無比浪漫，牆上LED凡高畫作，尤如小型畫廊，食客即時藝術感大升。我地揀左四道菜的dinner set來慶祝我們周年紀念日。配碟靚到呢！系凡高畫作的圖案，好有心思！連杯都勁特別，全部系來自荷蘭，藝術感也太強烈了！荷蘭小牛肉薄片配油封吞拿魚及水瓜柳，用左調色板型既碟，擺盤似一輻畫，創意無限！小牛肉薄片好幼嫩，整個口感系開胃清爽。日式昆布柴魚高湯配慢煮鮑魚，昆布湯鮮味十足，帶有海鮮的甜味，鮑魚好冧。主菜系紅燒澳洲羊腱配馬鈴薯配蔬菜，羊腱好冧，完全冇騷味，肉質一流。香辣蕃茄燉海鮮（三文魚，青口，魷魚，蜆），少少辣，蕃茄汁惹味，帶出海鮮的甜，三文魚厚切，熟度正好。朱古力芝士脆餅，飯後甜一甜，朱古力味好出，不會太甜。我地揀左藍莓之吻同仲夏向日葵，茶具精緻，品的不只是茶，而是一種感覺，好似融入左凡高的畫作。