Video
Read full review
2021-12-01
1382 views
今年生日,想全日me time,於是一個人去食omakase,係v姐推介下,係月頭book左哩度既omakase,係一個食先有位XD適逢今個月28號係佢地開店7週年紀念,$880既料席由12品加到15品.6點半左右到,坐正老闆對面XDD.填好紙仔,女店員奉上溫暖毛巾抹抹手.點左200ML八寸日本酒,就開始上菜啦.先付.沙甸魚甘露煮.甜中帶鹹,肉質結實,送酒一流,食埋塊青紫蘇,飲啖茶,清清口腔,正式黎啦.京豆腐三種類.白子豆腐,鮟鱇魚肝豆腐,蟹膏豆腐.哩道菜真係令我驚喜,富彈性,質感細膩綿密,特別係配辣蘿蔔蓉既鮟鱇魚肝豆腐,真係有得食多幾舊就好啦.冷盤.刺身沙律,間八刺身,海葡萄,三文魚子,蟹子,混合海藻及昆布,配柚子檸檬醋.間八係細條油甘魚,肉質爽甜鮮味,海藻鹹鹹地,同柚子檸檬醋好夾,感覺清新.向付.旬刺身三種類.平目魚刺身配牙蔥,秋刀魚刺身,鰹魚刺身.平目魚爽口,不過我唔鍾意蔥XDD覺得舊魚全舊都好有陣蔥味XDD秋刀魚刺身配柚子檸檬醋,蔥花及大根蓉.我好鍾意食秋刀魚刺身...冇蔥就好啦XDD鰹魚刺身,有煙薰香味,配生磨山葵同豉油食更突出魚本身既甜味.名作.白花蝦作.用來自富山灣小白花
於是一個人去食omakase,
係v姐推介下,
係月頭book左哩度既omakase,
係一個食先有位XD
適逢今個月28號係佢地開店7週年紀念,
$880既料席由12品加到15品.
6點半左右到,坐正老闆對面XDD.
填好紙仔,女店員奉上溫暖毛巾抹抹手.
點左200ML八寸日本酒,
就開始上菜啦.
先付.沙甸魚甘露煮.
甜中帶鹹,肉質結實,送酒一流,
食埋塊青紫蘇,飲啖茶,清清口腔,正式黎啦.
70 views
0 likes
0 comments
京豆腐三種類.
白子豆腐,鮟鱇魚肝豆腐,蟹膏豆腐.
哩道菜真係令我驚喜,富彈性,質感細膩綿密,
特別係配辣蘿蔔蓉既鮟鱇魚肝豆腐,真係有得食多幾舊就好啦.
41 views
0 likes
0 comments
冷盤.刺身沙律,間八刺身,海葡萄,三文魚子,蟹子,混合海藻及昆布,配柚子檸檬醋.
間八係細條油甘魚,肉質爽甜鮮味,
海藻鹹鹹地,同柚子檸檬醋好夾,感覺清新.
36 views
0 likes
0 comments
向付.旬刺身三種類.
平目魚刺身配牙蔥,秋刀魚刺身,鰹魚刺身.
平目魚爽口,不過我唔鍾意蔥XDD
覺得舊魚全舊都好有陣蔥味XDD
秋刀魚刺身配柚子檸檬醋,蔥花及大根蓉.
我好鍾意食秋刀魚刺身...冇蔥就好啦XDD
鰹魚刺身,有煙薰香味,配生磨山葵同豉油食更突出魚本身既甜味.
51 views
0 likes
0 comments
名作.白花蝦作.
用來自富山灣小白花,砌成菊花形態既壽司,
中間配以食用花朵,相當相當精緻,係哩度既名作.壽司飯比較黏口,握飯時已抹上醬油同山葵,蝦甜濃郁.
39 views
0 likes
0 comments
蒸物.鮟鱇魚肝茶碗蒸.
煮物.築前煮.
雞肉有酒味香,蓮藕片同荷蘭豆爽脆,
芋頭煮到入口即化,蕃薯好甜,
一碗煮物多種質感.
28 views
0 likes
0 comments
揚物.壽喜燒天麩羅.
大葉天麩羅,稻荷豆皮包住薄牛肉做成天婦羅,沾溫泉蛋食用,
大葉炸過後淨下淡淡蘇青味,
豆皮包住牛肉,肉汁都比豆皮索曬,
點埋蛋汁食感覺好奇妙.
30 views
0 likes
0 comments
燒物.味噌燒蠔.
但係我竟然食到係芥辣美乃滋口味XD?????
我理解不能XDDD 我醉左?
強肴.鮪魚筋.
火炙後既吞拿魚腩筋油脂豐富甘香,
筋位有咬口,啖啖油香.
31 views
0 likes
0 comments
八寸.鱈魚白子,柚子醋鴨胸.
係我最愛既白子呀,太好啦,配辣蘿蔔蓉,
白子鮮滑甘美,我想再食啊...
鴨胸片配以明太子沙律醬,
帶煙薰味既九菜花脆嫩無渣,真係好難食到.
29 views
1 likes
0 comments
香物.
漬物三種類.淺漬赤大根,大根,青瓜好爽脆,
唔會太重味,仲有芝麻碎係面,好食.
砟物.松葉蟹砟物.
松葉蟹非常鮮味,
輕輕一抹醋香味冇蓋過蟹本身既鮮甜.
食事,五目飯.有舞茸乾,雞肉等,
一開碗蓋就湧出好香好香既菇菌味,
實在太香,有d 唔捨得食.
23 views
0 likes
0 comments
止め碗.
鰤魚湯,魚湯甜美,湯入面本菇,豆腐,同魚肉.
最後我放棄左舊魚肉慢慢享受碗湯.
26 views
0 likes
0 comments
甘味.京花餅.做成冬柿造型既果子,煙韌既皮入面係紅豆餡.
本來覺得200ml酒同以上份量唔夠食,
點知飽到唔想郁XDD
洗手間內有牙線棒棒同棉花棒比客人使用,超細心呢,上一次見到有哩d 係298kitchen,
可惜結業了.
女店員不時添茶同更換熱茶,真係好細心.
希望放假有機會再食啦.
Post
