四川菜大平伙 (Closed)

餐廳附加有好多塗鴉牆，而宜間餐廳亦以藝術為主題，下午會教畫畫，店主既作品係餐廳內展覽。《蓉城口水雞》$208見到好多辣醬同辣椒，心諗大獲啦！應該會好辣，但食落又未至於好辣，辣得黎又幾香，仲帶少少甜味，口水雞完全無骨，肉質鮮嫩。《滋味冬瓜球》$128唔講仲以為係青提子🍇，就連口感都好似。味道有啲似韓式醃蘿蔔，酸酸地，宜款菜式解辣一流，食完一粒就已經可以覺得冇咁辣。《南瓜蝦球》$328另一個解辣之選，解辣程度更勝冬瓜球。蝦球肉質爽口彈牙，南瓜茸加左少少飯粒，味道鮮甜，仲可以挖埋南瓜肉一齊食。《王府手撕高麗菜》$180這個並唔係好辣，而係麻。炒高麗菜特別爽口。《家鄉小炒肉》$198相對無口水雞咁辣，帶少少甜味，好惹味，但一食到青椒就會辣到飛起，小炒肉係用五花腩，五花腩切得好薄👍最後，like 佢地Facebook page 仲有甜品送添，木瓜雪耳清清甜甜。佢地服務態度好好，會問下辣度岩唔岩咁。