蘇媽.蘇媽馬來西亞茶餐室

Open Now

Now Closed

假期午市12點到，餐廳已經坐滿人，所以記住要早d到，就唔駛排隊等位。叫左檳城白咖哩麵($55)，三層肉($48)，椰香咖央多士($28)。麵類食物有好多款可以揀，尼款係白咖哩，可以自己揀辣度。湯底奶白色，好大陣椰香味，而且愈飲愈上癮，超好味。有大量配料，其中有魚蛋、豬紅、蛋、已除殼既蝦、豆角、芽菜，好豐富。油麵份量多，唔算掛湯，但一啖麵一啖湯，好jeng。成碗湯飲哂冇難道。個人鍾意尼個湯多過肉骨茶。肉骨茶好濃藥材味，顏色深，入口甘，不過好易凍左，所以飲到一半，要refill熱既。 估唔到一小個碗，都裝到好多件三層肉。每件肉都肥瘦層層可見，肉易咬，不過唔算好入味。咖央厚塗甜而不膩，而且烘得夠脆夠香口，放耐左先食都一樣好味。多士一開四件，方便食。不過牛油如果都係厚切一塊夾住，會更加有口感同好食。整體，侍應做野手腳快，而且食物好快就到，雖然餐廳唔算大，但坐得舒服。